16.12.2025 | 22:17
ՖԻՖԱ․ Տարվա լավագույն ֆուտբոլիստը, մարզիչը և գոլը․ ՏԵՍԱՆՅՈՒԹ
Ադրբեջանցիներին չենք կարող մեր սահմաններից դուրս շպրտել. Գագիկ Մելքոնյան․ ՏԵՍԱՆՅՈւԹ
Քաղաքականություն
12.05.2022 | 19:25
Արդեն մեկ տարի է՝ ադրբեջանական զինուժը ներխուժել է Հայաստանի սուվերեն տարածք, և ինչպես նշել է ՀՀ վարչապետ Նիկոլ Փաշինյանը, օկուպացրել է 41 քառ. կմ տարածք:
«Ադրբեջանցիներն ասում են. «Ո՞վ կարող է ասել՝ մեր տարա՞ծքն է, թե՞ իրենց. հնարավոր է մեր տարածքն է»: Սահմանազատման , սահմանագծման աշխատանքները որ ավարտվեն, կհասկանանք, թե այդ սահմաններն ումն են, և ամեն մեկը որտեղ պետք է կանգնած լինի: Բայց մենք գիտենք, որ դրանք մեր տարածքներն են: Ոչ միայն Սև լճի տարածք, այլ նաև Գեղարքունիքի մարզի Սոթք և Սյունիքի մարզի Խոզնավար հատվածներն են մտել:
Հիմա այնպիսի իրավիճակ է ստեղծվել, որ մինչև սահմանազատում, սահմանագծում չլինի, մենք ադրբեջանցիներին չենք կարող մեր սահմաններից դուրս շպրտել: Մենք պատերազմի չենք պատրաստվում գնալ»,- Factor.am-ի հետ զրույցում այս մասին նշեց «Քաղաքացիական պայմանագիր» խմբակցության պատգամավոր Գագիկ Մելքոնյանը:
Նրա դիտարկմամբ՝ հայկական կողմը չի դիմել միջազգային կառույցներին, քանի որ ՀԱՊԿ անդամ է. «ՀԱՊԿ-ը պետք է այդ խնդիրը լուծեր, բայց ձեռքերը լվաց, քաշվեց մի կողմ: Արդեն համոզվեցիքն, որ ՀԱՊԿ-ը մեզ համար ոչինչ չի անում: Եվ հիմա մեզ աջակցում են Եվրոպան, ԱՄՆ-ը, և Ռուսաստանին ցույց են տալիս, որ միայն իրենք չեն, նաև միջազգային կառույցները կարող են այդ հարցը լուծել»,- նշեց պատգամավորը:
Մանրամասները՝ տեսանյութում։
