20.04.2026 | 14:13
ՌԴ ԱԴԾ-ն հայտարարել է Գերմանիայի քաղաքացու ձերբակալման մասին՝ ահաբեկչություն նախապատրաստելու մեղադրանքով
Վոլոդյա Ավետիսյանին պահել են միջատներով լի, անմարդկային պայմաններով խցում. փաստաբան․ ՏԵՍԱՆՅՈՒԹ
Հասարակություն
12.05.2022 | 12:44
«Խախտվել է խցի մեծությունը, որը ներպետական օրենսդրությամբ պետք է լինի առնվազն 4 քմ, սակայն տվյալ դեպքում այն եղել է 3քմ-ից փոքր, ««Նուբարաշեն» ՔԿՀ-ում անձին պահել են անմարդկային պայմաններում. ՄԻԵԴ-ն ընդդեմ Հայաստանի» թեմայով քննարկման ժամանակ այս մասին նշեց ՄԻԵԴ-ում Վոլոդյա Ավետիսյանի իրավունքների պաշտպան Ռոբերտ Ռևազյանը:
Նշենք, որ Մարդու իրավունքների եվրոպական դատարանը մայիսի 3-ին Հայաստանի դեմ վճիռ է կայացրել՝ արձանագրելով Վոլոդյա Ավետիսյանի իրավունքների խախտումը:
Արձանագրվել է, որ Նուբարաշեն քրեակատարողական հիմնարկում խցային պայմանները անմարդկային են։ Դրա դեմ դատական բողոքարկումները արդյունավետ չեն եղել։
Ռևազյանի խոսքով՝ իրենք բարձրաձայնել են նաև այն մասին, որ խցում ծխել են, եղել են միջատներ, իսկ օդափոխությունը բավարար չի եղել։ Նրա խոսքով՝ ՄԻԵԴ-ը դրան նույնպես անդրադարձել է։
Մանրամասները՝ տեսանյութում:
