08.06.2026 | 20:35
Նիդերլանդներն աջակցում է Հայաստանին. Ռոբ Յետտեն
ԵՄ-ին Ուկրաինայի անդամակցության համար տարիներ կպահանջվի, եթե ոչ տասնամյակներ․ Մակրոն
Քաղաքականություն
09.05.2022 | 19:33
Ֆրանսիայի նախագահը Եվրոպայի օրվա կապակցությամբ ելույթ է ունեցել Եվրախորհրդարանում՝ նշելով, որ Ուկրաինան այսօր Եվրահանձնաժողով է ներկայացրել հարցաշարի երկրորդ մասը՝ մոլորակի ամենամեծ քաղաքական դաշինքին միանալու թեկնածուի կարգավիճակ ստանալու համար, գրում է BBC-ի ռուսական ծառայությունը։
Եվրահանձնաժողովը Ուկրաինայի դիմումը կգնահատի հունիսին։ Եթե նույնիսկ Ուկրաինային թեկնածուի կարգավիճակ շնորհվի, ԵՄ-ին միանալու համար երկիրը պետք է լրջորեն կատարելագործվի մի շարք չափանիշներով և ստանա դաշինքի բոլոր 27 պետությունների հավանությունը՝ 450 միլիոն բնակչությամբ:
«Մենք բոլորս քաջ գիտակցում ենք, որ անդամակցության գործընթացը կտևի տարիներ, իսկ իրականում՝ գուցե մի քանի տասնամյակ: Սա է իրականությունը, եթե, իհարկե, չորոշենք մեղմել թեկնածուների համար չափանիշները։ Եվ մենք չենք վերանայի մեր մոտեցումը Եվրոպայի միասնության նկատմամբ»,- ասել է Մակրոնը։
Սակայն անգամ առանց ԵՄ-ին պաշտոնական անդամակցության, Ուկրաինան եվրոպական ընտանիքի մի մասն է, քանի որ նա խիզախորեն պայքարում է Եվրոպայի համար, ասել է Մակրոնը։
Տաթև Ֆռանգյան
