26.11.2024 | 20:14
Հայաստանի մի շարք շրջաններում ձյուն է տեղում
ՌԴ-ում հայտարարել են, որ պատրաստ չեն Ուկրանայի ներկայացուցիչների հետ դեմ առ դեմ բանակցությունների
Քաղաքականություն
09.05.2022 | 16:39
Ուկրաինայում ռազմական գործողությունները դադարեցնելուն ուղղված բանակցություններում ՌԴ գլխավոր ներկայացուցիչ Վլադիմիր Մեդինսկին հայտարարել է, որ Ուկրաինայի հետ խաղաղ բանակցությունները չեն դադարել և ընթանում են հեռավար ռեժիմով, հայտնում է Reuters գործակալությունը։
Մոսկվան Կիևին մեղադրել է բանակցությունները խափանելու նպատակով «Ուկրաինայում ռուսական զորքերի կողմից իրականացված վայրագությունների» մասին հաղորդումներն օգտագործելու մեջ: Ռուսաստանը հերքում է, որ «հատուկ ռազմական գործողության» ընթացքում թիրախավորել է խաղաղ բնակիչներին:
Հարցին, թե ե՞րբ կարող են դեմ առ դեմ բանակցություններ վարվել ուկրաինացի բանակցողների հետ, Մեդինսկին ասել է. «Դեմ առ դեմ հանդիպելու համար մեզ ավելի շատ մանրամասներ են պետք»:
Ուկրաինան և Ռուսաստանը մարտի 29-ից դեմ առ դեմ խաղաղ բանակցություններ չեն վարել, թեև երկրների ներկայացուցիչները հանդիպել են տեսակապի միջոցով։
Ուկրաինայի նախագահ Վլադիմիր Զելենսկին անցյալ ամիս հայտարարել էր, որ բանակցությունների ավարտի մեծ վտանգ կա՝ պատճառաբանելով հասարակության զայրույթը, որի պատճառը, ըստ նրա, ՌԴ-ի կողմից իրականացված դաժանություններն են։
Տաթև Ֆռանգյան
