16.09.2026 | 15:19
ՄԻՊ-ում քննարկվել են ազատությունից զրկված ծնողների՝ երեխաների հետ տեսակցությունների խնդիրները
Գերմանիան սկսում է հեղուկ բնական գազի տերմինալների շինարարությունը՝ ռուսական էներգակիրներից կախվածությունը նվազեցնելու համար
Քաղաքականություն
05.05.2022 | 23:06
Գերմանիան այսօր տվել է հեղուկ բնական գազի (LNG) առաջին լողացող տերմինալների շինարարական աշխատանքերի մեկնարկը Վիլհելմսհավենում՝ քաղաք և նավահանգիստ, որը գտնվում է Ներքին Սաքսոնիայում, գրում է CNN-ը։
Շինարարությունn Ուկրաինայում Կրեմլի սանձազերծած շարունակվող պատերազմի հետևանքով ռուսական գազից անկախանալու՝ երկրի ջանքերի մի մասն է:
Գերմանիան փորձում է արագացնել շինարարությունը, որպեսզի հեղուկ բնական գազ ներկրվի տարբեր երկրներից, այդ թվում՝ ԱՄՆ-ից։
«Մենք լավ հնարավորություն ունենք անելու այն, ինչ իրականում սովորաբար անհնար է Գերմանիայում․ կառուցել LNG տերմինալ մոտ 10 ամսվա ընթացքում և միացնել այն գերմանական գազամատակարարմանը»,- ասել է երկրի փոխկանցլեր ու էկոնոմիկայի նախարար Ռոբերտ Հաբեքը։
Նա անցյալ ամիս կոչ էր արել աննախադեպ միջոցներ ձեռնարկել՝ նվազեցնելու Գերմանիայի կախվածությունը ռուսական գազից և հակազդելու նրան, ինչը որոշ գերմանացի քաղաքական գործիչներ անվանում են Կրեմլի «էներգետիկ շանտաժ»:
Էմմա Չոբանյան
