06.10.2026 | 12:01
Հաքերները Դանիայում հասանելիություն են ստացել 8,8 միլիոն մարդու տվյալներին
2 տարի առաջ մահամերձ լինելու թուղթ էին հանում, հիմա մեծ ուժով ոստիկանությանն են դիմադրում․ Անդրանիկ Քոչարյան. ՏԵՍԱՆՅՈՒԹ
Քաղաքականություն
05.05.2022 | 13:00
Ազգային ժողովի պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը կարծում է, որ ընդդիմադիրների հանրահավաքի մասնակից որոշ քաղաքացիների մասին տեղեկատվությունը, որոնց նպատակը Արցախի և Հայաստանի պաշտպանությունն է, պետք է փոխանցել Զինված ուժերին, ըստ նրա՝ ցուցարարներին կարելի է ներգրավել պաշտպանական խնդիրների լուծման հարցում:
«Բերման ենթարկվածների մեջ մենք ուզում ենք տեսնել ՀՀ քաղաքացուն, որը բանակի հարցում պետք է իր մասնակցությունն ունենա, եթե քաղաքական խնդիրը ձևակերպված է՝ Հայաստանի և Արցախի անվտանգությունը»,- նշեց Անդրանիկ Քոչարյանը՝ հանձնաժողովում կազմակերպված աշխատանքային քննարկմանը, որին մասնակցում են Ոստիկանապետի տեղակալը, Ռազմական ոստիկանության պետը, ՊՆ զորակոչային և զորահավաքային համալրման ծառայության պետը և այլք:
«Մարդիկ կան, որ 2 տարի առաջ մահամերձ լինելու թուղթ էին հանում, հիմա մեծ ուժով ոստիկանությանն են դիմադրում, ես կուզեի, որ այդպիսի ուժով մեր ժայռերի վրա նստած լինեն, նրանց ներուժը պետք է ծառայեցնել մեր պետությանը»,- նշեց հանձնաժողովի նախագահ Անդրանիկ Քոչարյանը:
Մանրամասները՝տեսանյութում:
