07.02.2026 | 22:24
Հնդկաստանի ԶՈւ շտաբի պետին ներկայացվել են Հայաստանի և Հնդկաստանի արտադրության սպառազինության նմուշները
ՀՀ ֆինանսների նախարար Տիգրան Խաչատրյանն ընդունել է Իրանի ֆինանսների եւ էկոնոմիկայի նախարարին
Տնտեսություն
28.04.2022 | 18:17
Այսօր՝ ապրիլի 28-ին, Տիգրան Խաչատրյանն ընդունել է ԻԻՀ ֆինանսների նախարար Էհսան Խանդուզիի գլխավորած պատվիրակությանը: Հանդիպմանը ներկա են եղել նաեւ ԻԻՀ ֆինանսների եւ էկոնոմիկայի նախարարի տեղակալը, Հայաստանում Իրանի արտակարգ եւ լիազոր դեսպանը եւ փոխդեսպանը․ տեղեկացնում են ՀՀ ֆինանսների նախարարությունից։
Հանդիպման ընթացքում քննարկվել են հայ-իրանական առեւտրաշրջանառության զարգացմանը, մասնավորապես՝ տարանցիկ բեռնափոխադրումների մասով փոխադարձ նպաստավոր պայմանների ստեղծման, ինչպես նաեւ երկու երկրների ֆինանսական համակարգերի արդիականացման, առեւտրաշրջանառության ծավալների ընդլայնման հնարավորություններին առնչվող հարցեր:
Պարոն Խանդուզին ընդգծել է, որ հայ-իրանական տնտեսական հարաբերությունները մշտապես եղել են թափանցիկ, ինչն էլ իր հերթին նպաստել է համագործակցության շարունակականությանը եւ ընդլայնմանը:
