11.12.2025 | 11:30
Վարչապետի որոշմամբ մթնոլորտային օդի աղտոտվածության խնդիրների լուծման նպատակով աշխատանքային խումբ է ստեղծվել
Ատեստավորում չանցած ուսուցիչը X պահի դպրոցում չի աշխատի. Նիկոլ Փաշինյան․ ՏԵՍԱՆՅՈՒԹ
Հասարակություն
28.04.2022 | 11:59
Կրթության ոլորտի բարեփոխումները Կառավարության առաջնահերթություններից են: Կառավարության այսօրվա նիստում այս մասին նշեց ՀՀ վարչապետ Նիկոլ Փաշինյանը:
«Մենք ելնում ենք այն համոզմունքից, որ այսօր մեր կյանքում ցանկացած խնդիր, որի հետ առնչվում ենք, վերաբերում է կրթության ոլորտին: Դրա համար կրթությունը մեզ համար հարցերի հարցն է: Կա կրթություն, և կան մնացած բոլոր հարցերը: Լրջագույն խնդիր ունենք, դրա մասին չենք խոսում, բայց 2019 թվականի հետազոտությունը ցույց է տվել, որ անգրագիտությունը սողացող ձևով վերադառնում է մեր հանրություն:
Եկեք առերեսվենք այդ խնդրի հետ: Բազմաշերտ խնդիրներից մեզ համար եղել են ուսուցիչների վարձատրությունը և ուսուցչի աշխատանքի մրցակցային լինելը: Հանրակրթության ոլորտում կան ուսուցիչներ, որ ստանում են ամիսը 30 հազար դրամ աշխատավարձ, սա լրջագույն, համակարգային խնդիր է: Աշխատավարձի բարձրացումը մշտապես եղել է մեր օրակարգում»,- ասաց Նիկոլ Փաշինյանը:
Վարչապետը նաև ընդգծեց, որ կամավոր ատեստավորմանը մասնակցած նույն ուսուցիչները կարող են կրկին մասնակցել ատեստավորմանը:
«Այս տարի նա կարող է նորից հայտ ներկայացնել և ատեստավորմանը մասնակցել, ավելի բարձր միավոր ստանալու դեպքում նրա աշխատավարձը համապատասխանաբար բարձր կլինի: Ուսուցիչներին մի քանի տարիների ընթացքում մի քանի անգամ այս հնարավորությունը տալու ենք, բայց որևէ պահի ատեստավորում անցած ուսուցիչն ուղղակի չի աշխատելու: Ուզում եմ, որ բոլորն արձանագրեն այս ուղերձը: Կառավարությունը կամ նախարարությունը չի որոշելու՝ տվյալ ուսուցիչն աշխատում է դպրոցում, թե չի աշխատում: Տվյալ ուսուցիչն ինքն է որոշելու՝ աշխատո՞ւմ է դպրոցում, թե՞ ոչ»,- նշեց Փաշինյանը:
Մանրամասները՝ տեսանյութում:
