08.06.2026 | 18:27
Տաշիրի ընտրատեղամասի մոտ խուլիգանության և պաշտոնատար անձի աշխատանքին միջամտելու գործով 2 անձ ձերբակալվել է․ ՔԿ
Սևանի ոստիկանները բացահայտեցին մեքենայից կատարված գողությունը
Հասարակություն
27.04.2022 | 16:56
Ապրիլի 18-ի գիշերը ոստիկանության Սևանի բաժին է դիմել Ծովագյուղի մի բնակիչ։ Նա տվել է հաղորդում, որ մոտ չորս ժամ առաջ իր «Մերսեդեսը» կայանել էր Սևանի Կոմիտասի փողոցում, մեքենայի դռներն էլ՝ բաց: Այդ հանգամանքից էլ օգտվելով՝ սրահից տարել էին իր դրամապանակը՝ 61 հազար դրամով․ տեղեկացնում են ՀՀ ոստիկանությունից։
«Բաժնի օպերատիվ խումբը մեկնեց դեպքի վայր։ Ուսումնասիրվեց և՛ մեքենան, և՛ տարածքը։ Իսկ քրեական հետախույզների ձեռնարկած օպերատիվ միջոցառումների արդյունքում ստացվեց տվյալ, որ գողությունը հնարավոր է կատարած լինի Սևանի Սայաթ-Նովայի փողոցի բնակիչ, 23-ամյա մի երիտասարդ։ Նա հայտնաբերվեց ու բերման ենթարկվեց բաժին, որտեղ էլ խոստովանեց արարքը։
Ձեռնարկվում են միջոցառումներ՝ գողոնը հայտնաբերելու ուղղությամբ: Դեպքի հանգամանքները պարզվում են»,- ասված է հաղորդագրությունում։
