06.10.2026 | 17:37
«Կողք կողքի» միջազգային ներառական փառատոնի մասնակիցները Ազատության հրապարակում հանդես են եկել անվանի արտիստների հետ
Գլխավոր դատախազը դիմեց զոհվածների ծնողներին. «Ձեր պահանջի արդարացիությունը չի կարող վիճարկվել». ՏԵՍԱՆՅՈՒԹ
Քաղաքականություն
26.04.2022 | 17:48
Զոհված զինծառայողների ծնողներն այսօր բողոքի ակցիա էին իրականացնում Երևանի Ազնավուրի անվան հրապարակում, ապա երթով հասան ՀՀ գլխավոր դատախազության շենքի մոտ:
ՀՀ գլխավոր դատախազ Արթուր Դավթյանը դիմելով բողոքի ակցիա իրականացնող զոհված զինծառայողների ծնողներին՝ ընդգծեց, որ նրանց պահանջի արդարացիությունը չի կարող վիճարկվել:
«Խոնարհվում եմ բոլոր հերոս տղերքի շիրիմների առաջ. հազարավոր տղաներ ենք կորցրել այս պատերազմում: Ես հասկանում եմ ձեր վիշտը»,- նշեց Արթուր Դավթյանը։
Գլխավոր դատախազը հավաստիացրեց, որ երբ խոսքը վերաբերում է քրեական գործին, ապա գործ ունենք բացարձակ օրենքով նախատեսված իրավիճակների հետ, և որ դատախազական ներգործության ոչ մի միջոց չի ուշացել, այս պահին էլ բոլոր հնարավոր գործիքակազմը կիրառվում է օբյեկտիվ քննություն իրականացնելու, վերջնական իրավական գնահատական տալու համար։
«Խնդիրն առաջացավ այն պահից, երբ վարչապետն ասաց, թե «Կարող էինք կանխել պատերազմը, որի հետևանքով մենք կունենանյինք այս նույն վիճակը, իհարկե, առանց զոհերի» ու այդտեղից հայտարարեցին, որ այսքանը բավական է, որ մեղադրանքի նկարագրություն իրականացվի, նշեց դատախազը՝ ընդգծելով, որ շատ կարևոր է, թե ինչ իրավիճակ է եղել, և եթե առանց պաշտպանություն կազմակերպելու մեր հայրենիքից տարածքներ զիջվեին, նույն տրամաբանությամբ մեղադրանք կներկայացվեր:
Դրանից հետո զոհված զինվորների ծնողներն ու հարազատները վրդովվեցին. «Մեր երեխեքն ավելո՞րդ էին»:
Դատախազն առաջարկեց, որ ծնողներից 10 հոգու հետ հանդիպեն, հանգիստ իրավիճակում խոսեն՝ նշելով, որ նման պայմաններում անհնար է ստանալ հարցերի պատասխանները, ծնողները, սակայն, չհամաձայնեցին, առաջարկեցին կալանավորել Նիկոլ Փաշինյանին և սկսեցին վանկարկել. «Նիկոլ դավաճան»:
Մանրամասները՝ տեսանյութում:
