14.09.2026 | 10:58
Բեռլինում նշվել է Հայաստանի անկախության 35-ամյակը․ ընդգծվել է ՀՀ–Գերմանիա ռազմավարական գործընկերության խորացումը
Հայաստանում ԱՄՆ դեսպանը Բաքվում կմասնակցի տարածաշրջանային համաժողովի
Քաղաքականություն
25.04.2022 | 20:24
ԱՄՆ պետքարտուղարի Եվրոպայի և Եվրասիայի հարցերով փոխտեղակալ Էրիկա Օլսոնն այցելելու է Ադրբեջան: Այս մասին հայտնում են ադրբեջանական լրատվամիջոցները՝ վկայակոչելով Բաքվում ԱՄՆ դեսպանատան հաղորդագրությունը։
Նշվում է, որ այցի ընթացքում Օլսոնը հանդիպումներ է անցկացնելու մի շարք պաշտոնատար անձանց հետ, մասնակցելու է առաքելությունների ղեկավարների տարածաշրջանային համաժողովին, որը տեղի է ունենալու ապրիլի 27-28-ը։
Համաժողովին մասնակցելու են Ադրբեջանում ԱՄՆ դեսպան Էրլ Լիտցենբերգերը, Վրաստանում ԱՄՆ դեսպան Քելլի Դեգնանը, Հայաստանում ԱՄՆ դեսպան Լինն Թրեյսին, ինչպես նաև USAID-ի ղեկավարի օգնականի տեղակալ Մարկ Սիմակովսկին, Եվրոպային և Եվրասիային ԱՄՆ աջակցության համակարգողի պաշտոնակատար Գրեգ Նաարդենը, Պետքարտուղարության Կովկասի բանակցությունների հարցերով ավագ խորհրդական Էնդրյու Շոֆերը։
Հիշեցնենք, որ տարածաշրջանային նախորդ նման համաժողովը տեղի էր ունեցել անցյալ տարի՝ Երևանում ԱՄՆ դեսպանատանը։
Էմմա Չոբանյան
