16.09.2026 | 20:43
Իհարկե պատրաստվում եմ առաջիկա ընտրություններին. Տիգրան Ավինյան. ՏԵՍԱՆՅՈՒԹ
Մևլութ Չավուշօղլուի ազգայնական ժեստը դատապարտելի գործողություն է. Էդուարդ Աղաջանյան
Քաղաքականություն
24.04.2022 | 20:15
Հայոց ցեղասպանության 107-րդ տարելիցի նախօրեին Թուրքիայի ԱԳ նախարար Մևլութ Չավուշօղլուի ազգայնական ժեստը՝ ցուցադրված Մոնտեվիդեոյում հայ համայնքի ներկայացուցիչներին, դատապարտելի գործողություն է և ոչ մի կերպ չի նպաստում երկու ժողովուրդների միջև փոխըմբռնման մթնոլորտի և երկխոսության ձևավորմանը, գրել է ՀՀ ԱԺ արտաքին հարաբերությունների մշտական հանձնաժողովի նախագահ Էդուարդ Աղաջանյանը։
«Ողջունում ենք ուրուգվայական կողմի անհապաղ արձագանքը՝ Թուրքիայի դեսպանին երկրի արտաքին գերատեսչություն կանչը՝ բացատրություններ ներկայացնելու համար»,- գրել է Աղաջանյանը:
Ավելի վաղ հաղորդվել էր, որ Չավուշօղլուն, Ուրուգվայում հանդիպելով հայ ցուցարարներին, նրանց ցույց է տվել «Գորշ գայլեր» ազգայնական կազմակերպության նշանը, որն արգելված է մի շարք երկրներում:
Մոնտեվիդեոյում Թուրքիայի դեսպանն այդ առիթով կանչվել է Ուրուգվայի ԱԳՆ:
