23.11.2024 | 18:09
Երևանի 3 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան
Նիկոլ Փաշինյանն աշխատատեղերի նոր ռեկորդի մասին է հայտնում․ ՏԵՍԱՆՅՈՒԹ
Հասարակություն
22.04.2022 | 16:26
Այս տարվա մարտ ամսին Հայաստանում գրանցված աշխատողների առումով ռեկորդ է գրանցվել։ Այս մասին կառավարության նիստում հայտնեց վարչապետ Նիկոլ Փաշինյանը։
«2022 թվականի մարտ ամսվա տվյալները զիջում են միայն 2021 թվականի դեկտեմբերի տվյալները, որը էլի բացարձակ ռեկորդ է եղել։ Իսկ դեկտեմբերը բոլոր տարիներին համարվել է ամենաշատ աշխատատեղերով ամիսը։ Այսինքն՝ երկրում ավանդաբար աշխատատեղերի մաքսիմումը գրանցվում է դեկտեմբեր ամսին։ 2022 թվականի մարտ ամսվա տվյալները հետևյալն են՝ արձանագրել ենք 654 784 վճարվող աշխատատեղ։ Այս վիճակագրության մեջ մենք հաշվի ենք առնում միայն այն աշխատատեղերը, որոնցով մարդիկ ստացել են աշխատավարձ և որոնց համար վճարվել է եկամտային հարկ, որովհետև կան նաև աշխատատեղեր զրոյական աշխատավարձով»,- նշեց վարչապետը։
Փաշինյանի խոսքով՝ այս ցուցանիշը 2021 թվականի մարտի համեմատ ավելի է 32 622 աշխատատեղերով կամ 5․3 տոկոսով։ 2019 թվականի համեմատ այս ցուցանիշն ավելի է 70 714 աշխատատեղով կամ 12․1 տոկոսով, 2018 թվականի մարտի համեմատ՝ 120 660 աշխատատեղով կամ 22․4 տոկոսով։
Ըստ վարչապետի՝ այս տարվա մարտի տվյալնով՝ միջին ամսական աշխատավարձը կազմել է 243 607 դրամ, որը 2021 թվականի մարտի համեմատ ավելի է 15․2 տոկոսով, 2019 թվականի մարտի համեմատ՝ 32․4 տոկոսով, իսկ 2018 թվականի մարտի համեմատ՝ 39․9 տոկոսով։
«Այս ցուցանիշներն ինքնին կարևոր են, որովհետև բոլոր առումներով գերազանցում են գնաճի ցուցանիշները։ Իմ ասածը չի նշանակում, թե գնաճը շատ ուղիղ և նեգատիվ ազդեցություն չի ունենում մարդկանց կենսամակարդակի վրա»,- նշեց վարչապետը։
Մանրամասները՝ տեսանյութում:
