20.11.2024 | 11:15
ՌԴ ՊՆ-ն հայտնել է ուկրաինական 44 ԱԹՍ-ների գրոհը հետ մղելու մասին
Հայկական Շուշիում մեկնարկել է աշխարհի ադրբեջանցիների 5-րդ համագումարը
Քաղաքականություն
22.04.2022 | 13:18
Ադրբեջանի իշխանությունները հերթական քարոզչական միջոցառումն են կազմակերպել Արցախի գրավյալ հայկական Շուշի քաղաքում։ Մասնավորապես, ադրբեջանական լրատվամիջոցների հաղորդմամբ՝ հայկական քաղաքում իր աշխարհի ադրբեջանցիների 5-րդ համագումարը։ Միջոցառմանը մասնակցում է 65 երկրից ադրբեջանական սփյուռքի շուրջ 400 ներկայացուցիչ։ Համագումարն աշխատանքները շարունակելու է մինչև ապրիլի 23-ը։
Միջոցառմանը մասնակցում է նաև Ադրբեջանի նախագահ Իլհամ Ալիևը, որը հանդես է եկել ելույթով։
Նշենք, որ աշխարհի ադրբեջանցիների առաջին համագումարն անցկացվել է 2001 թվականի նոյեմբերի 9-10-ը, վերջին՝ չորրորդ համագումարը՝ 2016-ի հունիսի 3-ին։ Նախորդ բոլոր համագումարներն անցկացվել են Բաքվում։
Հավելենք, որ Ադրբեջանը պետական հատուկ քաղաքականություն է իրականացնում՝ Շուշին հայկական պատմական, կրոնական ու մշակութային ժառանգությունից զրկելու համար։ Դրա վառ դրսևորումներից մեկ էլ հայկական քաղաքը «Թյուրքական աշխարհի մշակութային մայրաքաղաք հռչակելն է»։
Էմմա Չոբանյան
