08.08.2026 | 19:55
Օգոստոսի 10-ին Հայաստանի մի շարք հասցեներում էլեկտրաէներգիայի անջատումներ կլինեն
2021 թվականին բացահայտվել է ապօրինի ծագում ունեցող 94 անշարժ, 23 շարժական գույք․ ՏԵՍԱՆՅՈՒԹ
Հասարակություն
22.04.2022 | 13:02
ՀՀ դատախազության՝ ապօրինի գույքի բռնագանձմամբ զբաղվող նոր ձևավորված վարչությունն արդեն 1,5 տարի է, որ ահռելի ծանրաբեռնվածությամբ է աշխատում և մեծածավալ աշխատանք է արել․ տարվա կտրվածքով վարչության վարույթում գտնվել է 279 անձի վերաբերյալ ուսումնասիրություն։ Այս մասին այսօր ԱԺ պետաիրավական հարցերի հանձնաժողովի նիստում ՀՀ դատախազության 2021թ․-ի գործունեության մասին տարեկան հաղորդման զեկուցման ժամանակ հայտարարեց ՀՀ գլխավոր դատախազ Արթուր Դավթյանը՝ ներկայացնելով ենթադրյալ ապօրինի ծագման գույքի բռնագանձման ուղղությամբ աշխատանքները։
«Տարվա ավարտին վերջացել են 14 անձի վերաբերյալ ուսումնասիրությունները, որոնցով բացահայտվել է ենթադրյալ ապօրինի ծագում ունեցող 94 անշարժ գույք, 23 շարժական, 23 ընկերությունում մասնակցություն և 27 միլիարդ դրամի գումար։
Այս պահի դրությամբ դատարան են ներկայացվել վեց հայցեր, որոնցով ենթադրյալ ապօրինի ծագում ունեցող գույքը դրամական արժեքի վերածելու պարագայում հայցագինը կազմում է մոտ 40 միլիարդ դրամ։
Աշխատանքը մեծ դժվարությամբ է արվում, այն նորամուծություն է մեր օրենսդրական պրակտիկայում, բայց դատախազության ստորաբաժանումը ջանք չի խնայում, որ դժվարություններն արդյունավետ հաղթահարվեն»,- նշեց Արթուր Դավթյանը։
Մանրամասները՝ տեսանյութում:
