20.11.2024 | 13:34
Արփինե Սարգսյանը նշանակվեց ՆԳ նախարար
Լսումները տեխնիկական խնդիրների պատճառով տեղի չեն ունեցել նիստերի դահլիճում. Խանդանյանը՝ Ռուստամյանին․ ՏԵՍԱՆՅՈՒԹ
Քաղաքականություն
22.04.2022 | 10:59
ԱԺ արտաքին հարաբերությունների հանձնաժողովն այսօրվա նիստը վարեց «Քաղաքացիական պայմանագիր» խմբակցության խմբակցության պատգամավոր, հանձնաժողովի անդամ Սարգիս Խանդանյանը։
Օրակարգում ներառված էր նաև «Հայաստան» խմբակցության հեղինակած «Հայաստան-Թուրքիա հարաբերությունների հայեցակարգային դրույթների մասին» հայտարարության նախագիծը:
«Հայաստան» խմբակցության պատգամավոր Արմեն Ռուստամյանը նիստի ժամանակ հայտարարեց՝ կարևոր գործելաոճ է, երբ նման կարևոր հարցերի շուրջ հայտարարությունները նախ անցնում են հանրային քննարկումների փուլ, լրամշակվում, ինչից հետո նոր ներկայացվում հաստատման ու ԱԺ լիագումար նիստում քննարկման․ «Այս անգամ այդ պրակտիկան հնարավոր չեղավ իրականացնել, մեզ համար անընդունելի, անհեթեթ պատճառաբանությամբ՝ լսումները երեկ խափանվել են՝ ինչ-որ տեխնիկական պատճառներով։ Այսքան տարվա պատգամավորական փորձ ունեմ և չեմ հիշում դեպք, որ ԱԺ-ն չկարողանար միաժամանակ մեկից ավելի միջոցառում կազմակերպել։ Սա անհասկանալի, աբսուրդային վիճակ է, բայց ունենք այն, ինչ ունենք։
ԱԺ ղեկավարությունն ու աշխատակազմն այսպիսով գնացին կանոնակարգին դեմ և խափանեցին լսումները։ Մենք, այնուամենայնիվ, հավատարիմ ենք մնալու սկզբունքին, որ նման հարցերը պետք է անցնեն լսումներով, ուստի առաջիկայում նորից ենք կազմակերպելու լսումներ: Հուսով եմ՝այս անգամ չեն խափանի։ Դրանից հետո միայն լրամշակված տարբերակով կներկայացնենք այս նախագիծը։ Ուստի առաջարկում եմ հարցը հետաձգել»։
Սարգիս Խանդանյանը պարզաբանեց․ «Իմ ընկալմամբ՝ լսումների հետ կապված տեխնիկական խնդիրը բխում է նաեւ նրանից, որ պահպանվի ԱԺ կանոնակարգը, եւ լսումները լինեն հրապարակային։ Որքան տեղյակ եմ՝ ԱԺ-ում որոշակի տեխնիկական բարդություններ են առաջացել՝ կապված այլ արտագնա միջոցառման հետ։ Այդ պատճառով է, որ հնարավոր չի եղել այս օրերին լսումներ անել։ Վստահ եմ, որ հետագայում հնարավոր կլինի»։
Մանրամասները՝ տեսանյութում:
