07.02.2026 | 22:24
Հնդկաստանի ԶՈւ շտաբի պետին ներկայացվել են Հայաստանի և Հնդկաստանի արտադրության սպառազինության նմուշները
Ռուսաստանը փակում է Լատվիայի, Լիտվայի և Էստոնիայի հյուպատոսությունները Սանկտ Պետերբուրգում և Պսկովում
Քաղաքականություն
21.04.2022 | 16:01
Ռուսաստանը փակում է Լատվիայի, Լիտվայի և Էստոնիայի հյուպատոսությունները Սանկտ Պետերբուրգում և Պսկովում։ Այս մասին հայտնում է BBC-ի ռուսական ծառայությունը։
Այս մասին ասված է Ռուսաստանի Դաշնության արտաքին գործերի նախարարության՝ այսօր հրապարակված պաշտոնական հայտարարության մեջ։ Այս միջոցը պատասխան է Կլայպեդայում, Լիեպայում, Դաուգավպիլսում, Նարվայում և Տարտուում ռուսական հյուպատոսությունների փակմանը։
Արդյունքում՝ ՌԴ ԱԳՆ-ն չեղարկել է Սանկտ Պետերբուրգում Լատվիայի գլխավոր հյուպատոսության, Պսկովում Լատվիայի հյուպատոսության, Սանկտ Պետերբուրգում Էստոնիայի գլխավոր հյուպատոսության և Պսկովում դրա գրասենյակի և Սանկտ Պետերբուրգում Լիտվայի գլխավոր հյուպատոսության գործելու համաձայնությունը։
Առաքելությունների ղեկավարները կհայտարարվեն «պերսոնա նոն գրատա», իսկ Ռուսաստանի քաղաքացի չհանդիսացող աշխատակիցները՝ անցանկալի անձինք։ Նրանք բոլորը կլքեն Ռուսաստանը։
Տաթև Ֆռանգյան
