16.09.2026 | 23:05
Բաքուն ՀՀ-ի հետ կապերի մեջ մեղադրվող բանտարկված թալիշ ակտիվիստին 3 տարով կտեղափոխի խիստ ռեժիմի բանտ
Պուտինը կարգադրել է կասեցնել հարձակումը Մարիուպոլի արդյունաբերական գոտու վրա
Քաղաքականություն
21.04.2022 | 12:37
Ռուսաստանի նախագահ Վլադիմիր Պուտինը կարգադրել է չեղարկել հարձակումը Մարիուպոլի արդյունաբերական գոտու վրա, քանի որ այն նպատակահարմար չի։ Այս մասին Պուտինը հայտարարել է պաշտպանության նախարար Սերգեյ Շոյգուի հետ հանդիպման ժամանակ, ըստ Meduza-ի հայտնում է Կրեմլի կայքը։
«Սա այն դեպքն է, երբ մենք պետք է մտածենք, այսինքն՝ մենք մշտապես պետք է մտածենք մեր զինվորների ու սպաների կյանքի պահպանման մասին, սակայն այս դեպքում՝ առավել ևս։ Պետք չի մտնել այդ կատակոմբների մեջ և սողալ գետնի տակ այդ արդյունաբերական օբյեկտների միջով»,- հայտարարել է Պուտինը։
«Այնպես արգելափակեք այդ արդյունաբերական գոտին, որպեսզի ճանճ անգամ չթռչի»,-հավելել է ՌԴ նախագահը։
Շոյգուն Պուտինի հետ հանդիպման ժամանակ ասել է, որ ամբողջ Մարիուպոլը, բացառությամբ «Ազովստալ» գործարանի, անցել է ռուսական զորքերի վերահսկողության տակ։ Գործարանի տարածքում շուրջ 2000 ուկրաինացի զինվորական կա, կարող են լինել նաև խաղաղ բնակիչներ։ Գործարանի տարածքը արգելափակված է, հավելել է նախարարը։
«Եվս մեկ անգամ բոլորին, ովքեր դեռևս զենքը վայր չեն դրել, կոչ եմ անում անել դա։ Ռուսական կողմը երաշխավորում է նրանց կայնքն ու միջազգային իրավական ակտերին համաձայն արժանապատիվ վերաբերմունք։ Բոլոր նրանք, ովքեր վիրավոր են, որակավորված բուժօգնություն կստանան»,- հայտարարել է Պուտինը։
Տաթև Ֆռանգյան
