20.04.2026 | 16:27
Ըմբշամարտի ԵԱ․ Մանվել Խաչատրյանը և Մալխաս Ամոյանը դուրս են եկել կիսաեզրափակիչ․ ՏԵՍԱՆՅՈՒԹ
ՀՀ-ում ամեն 5-րդ ընտանիքը ներառված է միգրացիոն ծրագրերում. Ռուբեն Եգանյան․ ՏԵՍԱՆՅՈՒԹ
Հասարակություն
20.04.2022 | 12:43
«2021թ. հետազոտությունների արդյունքում պարզվել է, որ շարունակվել է միգրացիոն գործընթացներում Հայաստանի տնային տնտեսությունների և բնակչության ներառվածության նվազման միտումը, որը ձևավորվել էր 2018թ.՝ պայմանավորված ծանրակշիռ հասարակական իրադարձությամբ՝ իշխանափոխությամբ»,- այս մասին «Դեպոպուլյացիա, ծերացող երկիր, միգրացիա. դեմոգրաֆիկ խնդիրները՝ Հայաստանում» թեմայով քննարկման ժամանակ նշեց ժողովրդագիր, Միգրացիոն ծառայության պետ Ռուբեն Եգանյանը։
Նրա խոսքով՝ մարդկանց մտադրությունները՝ ներգրավվելու միգրացիոն գործընթացներում հարաբերականորեն նվազել էին, և 2019թ. դա գնահատվեց այն բանի արդյունք, որ իշխանափոխությամբ պայմանավորված՝ մարդկանց դրական ակնկալիքները զգալիորեն մեծացել էին. «Մարդիկ ակնկալում էին, որ բարելավվելու է իրավիճակը՝ և՛ սոցիալական, և՛ տնտեսական, և՛ քաղաքական առումներով, և ավելի քիչ մարդիկ էին ձգտում միգրացիայի»:
«Եթե 2017թ. հետազոտության տվյալներով՝ միգրացիոն գործընթացներում ներառված էին Հայաստանի տնային տնտեսությունների մոտ 35 տոկոսը, այսինքն՝ ամեն 3-րդից ավելին, ապա 2019թ. հետազոտության տվյալներով՝ այդ ցուցանիշը նվազել էր՝ հասնելով մինչև 26 տոկոսի:
2021թ. հետազոտության համաձայն՝ այդ նվազման միտումը շարունակվել է, և տնային տնտեսությունների ներառվածությունը միգրացիոն գործընթացներում հասել է 18 տոկոսի, այսինքն՝ ՀՀ-ում ամեն 5-րդ ընտանիքն է ներառված»,- նշեց Եգանյանը:
Մանրամասները՝ տեսանյութում:
