Հայաստան-Թուրքիա հարաբերությունների կարգավորումն իրականացնել փուլային եղանակով. «Հայաստան» խմբակցության՝ ԱԺ հայտարարության տեքստը

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Ազգային ժողովի «Հայաստան» խմբակցությունը ԱԺ լսումներ է հրավիրել։ Այն տեղի կունենա ապրիլի 21-ին։ Խմբակցությունը հայ-թուրքական շփումների համատեքստում ԱԺ հայտարարության տեքստ է պատրաստել։ Խմբակցության հայտարարության նախագծում, մասնավորապես, ասվում է.

«Հայաստան-Թուրքիա հարաբերությունների կարգավորումն անհրաժեշտ է իրականացնել փուլային եղանակով՝ որպես մեկնակետ ընդունելով դիվանագիտական հարաբերությունների հաստատումը և Թուրքիայի կողմից Հայաստանի ապաշրջափակումը»։

Նախագծի համաձայն՝ երկրների միջև հարաբերությունները պետք է կառուցվեն՝ հաշվի առնելով հետևյալ սկզբունքները.

1. Սահմանված պարտավորությունների կատարման ուղղությամբ Հայաստանի Հանրապետության ձեռնարկած քայլերը պետք է համապատասխանեն Հայաստանի Հանրապետության սահմանադրական դատարանի 12.01.2010 թվականի որոշմամբ ամրագրված իրավական դիրքորոշումներին, ինչպես նաև սահմանադրական կարգի հիմնարար սկզբունքներին.

2. Հայ-թուրքական հարաբերություններում բացառել ցանկացած պայմանավորվածություն, որը կարող է կասկածի տակ դնել հայ ժողովրդի տեղահանության փաստը և Հայոց ցեղասպանության իրողությունը.

3. Հայոց ցեղասպանության փաստի միջազգային ճանաչման եւ ցեղասպանության հետեւանքների վերացման հարցում առաջնորդվել Հայաստանի եւ Սփյուռքի կամքով:

4. Հայաստանի և Թուրքիայի միջև սահմանների հարցը ենթակա է կարգավորման՝ միջազգային իրավունքի հիմնարար և համընդհանուր նորմերին համապատասխան։

5. Հայ-թուրքական հարաբերությունների հաստատումը ոչ մի կերպ չի կարող խոչընդոտել Արցախի ժողովրդի ինքնորոշման իրավունքի լիարժեք իրացմանը եւ այն ապահովելու Հայաստանի պարտավորությունների կատարմանը։

6. Հայ-թուրքական հարաբերությունների հաստատումը չի կարող ուղղակիորեն կամ անուղղակիորեն պայմանավորված լինել և ծառայել Ադրբեջանի պահանջների բավարարմանը, ինչպես նաև թուրք-ադրբեջանական տանդեմի պանթուրքիստական ծրագրերի իրականացմանը։

7. Հայաստանի Հանրապետությունը միջազգային իրավունքի հիման վրա պետք է նպաստի Թուրքիայում հայոց լեզվի, հայկական պատմամշակութային արժեքների պահպանմանը, այնտեղ հայ կրթական և մշակութային կյանքի զարգացմանը»։

Մերի Մարտիրոսյան