22.04.2026 | 23:30
ՀՀ տարածքում ավտոճանապարհները հիմնականում անցանելի են
Վանեցյանը` Արցախն ամբողջությամբ Ադրբեջանին թողնելու իր նախկին հայտարարության մասին. ՏԵՍԱՆՅՈՒԹ
Քաղաքականություն
18.04.2022 | 19:43
«Հայրենիք» կուսակցության ղեկավար Արթուր Վանեցյանն՝ իր ասուլիսում անդրադարձավ Արցախն ամբողջությամբ Ադրբեջանին թողնելու վերաբերյալ իր նախկին հայտարարությանը, որտեղ նա նշել էր. «2020 թվականի նոյեմբերին 11-ի Ձեր հարցազրույցում հայտարարել եք. «Հասել ենք այն հանգրվանին, որ ավելի լավ է որևէ բան չստորագրվեր, և թողներ Արցախն ամբողջությամբ Ադրբեջանին, բայց Սյունիքով տարածք չտայինք, Քարվաճառ ու Լաչին չտայինք»:
Այժմ պայքարում եք Արցախի համար, արդյո՞ք հակասություն չեք տեսնում այդ հայտարարության և այժմյան պայքարի միջև: Ի պատասխան այս հարցի՝ Վանեցյանը կարծիք հայտնեց, որ իշխանական մամուլը փորձում է իր միտքը մանիպուլացնել. «Ես ասել եմ, որ ավելի լավ է, ոչ մի թուղթ չստորագրել։
Ըստ Նիկոլ Փաշինյանի հայտարարության՝ ինքն այդ փաստաթուղթը ստորագրել է, որովհետև Արցախի տարածքում եղել է 25.000 զինվոր և իբր փրկել է հենց այդ զինվորների կյանքը։
Ես ասել եմ, որ ավելի լավ է որևէ բան չստորագրել ու զորքերը հետ քաշել Քարվաճառ, դեպի Լաչին, որպեսզի 100 % պաշտպանված լինեն ՀՀ սահմանները՝ Գեղարքունիք, Սյունիք։ Կրկնում եմ, ավելի լավ էր քաշվել Քարվաճառ ու Լաչին, բայց չստորագրել նոյեմբերի հայտարարությունը»։
Մանրամասները՝ տեսանյութում:
