09.08.2026 | 20:32
Իսրայելը մերժել է Գազայի հատվածի վերաբերյալ Թրամփի ծրագիրը
Մինիմում վեցօրյա աշխատանքային ռեժիմ․քաղաքացիների կյանքի որակը բարեփոխվելու է․վարչապետ
23.06.2017 | 12:38
Հեշտ ճանապարհ չենք ընտրել, բայց մեր քաղաքացիների կյանքի որակը բարեփոխվելու է։ Այս մասին Կառավարության նիստի ավարտին ասաց վարչապետ Կարեն Կարապետյանը՝ անդրադառնալով Կատավարության նորընտիր ծրագրին։
Հիշեցնենք, որ երեկ խորհրդարանի կողմից գործադիրի ծրագիրը հավանության արժանացավ։ «Մենք հայտարարել ենք, որ հստակ գիտենք, թե ինչն է պետք փոխել, ըստ ոլորտների դրանք ձևակերպված են:
Հանձնարարում եմ հաշվետվություն ներկայացնել կառավարության իրականացրած միջոցառումների և գերակա խնդիրների կատարման, ներգրավված ներդրումների վերաբերյալ՝ միաժամանակ հաշվի առնելով և վերլուծելով վիճակագրական ծառայության ներկայացրած տվյալները»,-ասաց վարչապետը՝ դիմելով գործադիրի անդամներին։
Կարապետյանը հիշեցրեց, որ ավարտին է մոտենում 2017 թվականի առկա խնդիրների կատարման առաջին կիսամյակը, ինչպես նաև ազգային վիճակագրական ծառայության կողմից կիսամյակային վիճակագրական տվյալների առաջիկայում ակնկալվող ամփոփման գործընթացը, ուստի մինչև հուլիսի 28-ը պետք է ամփոփել և կառավարության աշխատակազմ ներկայացնել կիսամյակային տվյալների հաշվետվություններ։
«Մենք պետք է ամփոփենք առաջին կիսամյակը, ինչ-որ նախագծել ենք, հստակ ձևակերպենք՝ ինչն ենք կատարել, եթե կան չկատարված բաներ՝ ինչու չենք կատարել և ինչ ենք անելու, որ լրացնենք դա, չնայած, կարծում եմ այդպիսի կետեր չպետք է լինեն»,-եզրափակեց վարչապետը։
Ի դեպ, նիստի սկզբում էլ Կարապետյանը հայտարարեց իրենց աշխատանքի «ռեստարտի» մասին․ «Աշխատում ենք նույն ռեժիմով: Մինիմում Վեցօրյա աշխատանքային ռեժիմ, և ադապտացնում ենք մեր ծրագիրը նախկին մեր միջոցառումներին»։
