18.12.2025 | 20:03
Միրզոյանը և Մանտաս Ադոմենասը քննարկել են ժողովրդավարական ինստիտուտների զարգացման հարցեր
Չավուշօղլուն հայտնել է, որ Թուրքիայի կողմից ՌԴ-ի դեմ պատժամիջոցների սահմանումն իրատեսական չէ
Քաղաքականություն
14.04.2022 | 17:01
Թուրքիայի միանալը Ռուսաստանի դեմ պատժամիջոցներին իրատեսական չէ։ Այս մասին հայտարարել է Թուրքիայի ԱԳ նախարար Մևլութ Չավուշօղլուն, գրում է ՌԻԱ Նովոստին։
«Մենք հետևում ենք ՄԱԿ-ի պատժամիջոցներին։ Բայց առանձին երկրների պատժամիջոցներին միանալու առումով, կարծում եմ, երկրներն իրենք էլ հասկանում են, որ Թուրքիայի միջնորդական դիրքորոշման պարագայում դա իրատեսական չէ»,-ասել է Չավուշօղլուն NTV հեռուստաալիքին տված հարցազրույցում։
Նրա խոսքով՝ արևմտյան գործընկերները հաճախ են հարցնում Անկարայի նման դիրքորոշման պատճառի մասին։
«Մեզ հաճախ են հարցնում՝ կփակե՞նք երկինքը։ Հասկանո՞ւմ եք, Թուրքիան ունի միջնորդական դիրքորոշում՝ իրավիճակը կայունացնելու համար»,- ասել է Չավուշօղլուն։
Հավելենք, որ Անկարան նաև քայլեր է ձեռնարկում պատժամիջոցների տակ գտնվող ռուս օլիգարխներին և ռուսական բիզնեսը Թուրքիա տեղափոխելու և այնտեղ ներդրումներ ապահովելու ուղղությամբ։
Էմմա Չոբանյան
