29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
Վաղարշակ Հարությունյանը Կազբեկ Տայսաևի հետ քննարկել է հայ-ռուսական միջխորհրդարանական համագործակցության զարգացման հարցեր
Քաղաքականություն
14.04.2022 | 11:39
ՌԴ-ում ՀՀ դեսպան Վաղարշակ Հարությունյանը ՌԴ Պետական Դումայում հանդիպել է ԱՊՀ երկրների, եվրասիական ինտեգրացիայի և հայրենակիցների հետ կապերի հարցերով հանձնաժողովի նախագահի առաջին տեղակալ Կազբեկ Տայսաևի հետ։
ՌԴ-ում Հայաստանի դեսպանությունը տեղեկացնում է, որ հանդիպմանը կողմերն ընդգծել են հայ-ռուսական միջխորհրդարանական համագործակցության զարգացմանն ուղղված շարունակական աշխատանքների իրականացման կարևորությունը։
Զրուցակիցներն անդրադարձ են կատարել առաջիկայում Երևանում կայանալիք ՀՀ Ազգային ժողովի և ՌԴ Դաշնային ժողովի միջև համագործակցության միջխորհրդարանական հանձնաժողովի հերթական նիստին ռուսաստանյան կողմի մասնակցությանն, ինչպես նաև ՀՀ և ՌԴ միջև դիվանագիտական հարաբերությունների 30-ամյակին նվիրված միջոցառումների ծրագրում խորհրդարանական շրջանակների ներգրավվածությանը։
