06.10.2026 | 13:57
Թոմաս Ադորյանը գեղեցիկ գոլ է խփել Արգենտինայի առաջնությունում. ՏԵՍԱՆՅՈՒԹ
Պահանջում եմ Փաշինյանից սթափեցնել Ղարաբաղի ղեկավարությանը՝ անհեռատես քայլերի համար. Գուրգեն Արսենյան. ՏԵՍԱՆՅՈՒԹ
Քաղաքականություն
12.04.2022 | 11:11
«Ընդդիմադիր պատգամավորների Արցախ մեկնելը ՀՀ իշխանությունների՝ խաղաղության օրակարգի ամրապնդմանն ուղղված ջանքերի տորբեդահարման ակտիվ փորձ է»,- այս մասին ԱԺ ամբիոնից հայտարարեց «Քաղաքացիական պայմանագիր» խմբակցության պատգամավոր Գուրգեն Արսենյանը՝ ընդգծելով, որ նրանց գործողությունները հղի են լուրջ վտանգներով ՀՀ-ի համար:
«Պահանջում եմ ՀՀ գործադիր իշխանությունից և անձամբ Նիկոլ Փաշինյանից վերանայել այն սկզբունքները և այն այն աշխատանքային գործիքակազմը, որը կիրառվում է Հայաստանի և Ղարաբաղի հանրապետությունների մեջ իրականացվող գործընթացներում։
Պահանջում եմ նաև, որ Հայաստանի քաղաքական ղեկավարությունը սթափեցնի Ղարաբաղի ղեկավարությանը՝ իր կողմից իրականացվող անհեռատես քաղաքականության հետևանքների առումով, որովհետև, եթե ՀՀ-ն ձախողի այս գործընթացը, Հայաստանի Հանրապետության՝ որպես երկիր լինելն է դրվում վտանգի տակ։
Պահանջում եմ մեր քաղաքական թիմից՝ կոշտացնել դիրքորոշումները, պահանջում եմ ԱԱԾ-ից՝ հասկանալ ինչ են անում և ուր են տանում այս գործողությունները, որովհետև մենք պատասխանատու ենք ՀՀ ժողովրդի առջև։ ՀՀ ժողովուրդը մեզ տվել է մանդատ ու ասել է՝ գնացեք ու ապահովեք խաղաղություն հարևանների հետ։ Մենք չպետք է թույլ տանք որևէ արկածախնդիր քաղաքական թիմի կամ արկածախնդիր ղեկավարների՝ խաղալ ՀՀ անվտանգության հետ։ Մենք չպետք է թույլ տանք, որ մեր ժողովրդին նոր սպանդի տանելու հնարավորություն ընձեռվի։ Հայաստանի քաղաքականության ղեկավարությանը սթափության կոչ եմ անում»,- նշեց Արսենյանը:
Մանրամասները՝ տեսանյութում:
