20.11.2024 | 08:36
Նիկոլ Փաշինյանը հայտնեց ՆԳ նոր նախարարի անունը
ԵՄ-ում կոնսենսուս չկա ռուսական նավթի էմբարգոյի վերաբերյալ․ FT
Տնտեսություն
11.04.2022 | 17:12
ԵՄ անդամ մի շարք պետություններ դեմ են Ռուսաստանից նավթի էմբարգոյին։ Այս մասին Financial Times-ին պատմել է ԵՄ բարձրաստիճան պաշտոնյան՝ չնշելով, սակայն, թե որոնք են այդ երկրները։
Պաշտոնյայի խոսքով՝ երկրների համար, որոնք մյուսներից ավելի շատ են կախված ռուսական նավթից, հրաժարումն ավելի դժվար կլինի թե՛ տեխնիկապես, թե՛ քաղաքական առումով։
Ավելի վաղ՝ մարտին Reuters-ը գրել էր, որ Ռուսաստանի դեմ պատժամիջոցների հինգերորդ փաթեթի նախապատրաստման շրջանակում, ի թիվս այլ հարցերի, քննարկվել է ռուսական նավթի էմբարգոն։ Գործակալության տվյալներով՝ Բալթյան երկրներն են պնդել նման միջոց կիրառելու հարցում, սակայն Գերմանիան՝ Եվրամիությունում ռուսական նավթի ամենախոշոր գնորդը, դեմ է արտահայտվել։
Ապրիլի 5-ին էլ Եվրահանձնաժողովի նախագահ Ուրսուլա ֆոն դեր Լյայենը հայտնել էր, որ ԵՄ-ն աշխատում է ՌԴ-ի դեմ նոր պատժամիջոցների փաթեթի ուղղությամբ, որը կարող է ներառել Ռուսաստանից նավթի արտահանման արգելք։
Էմմա Չոբանյան
