18.05.2026 | 20:25
Աշխարհում մահապատիժների թիվը հասել է 1981թ. ի վեր ամենաբարձր մակարդակին. Իրանն առաջատարն է. Amnesty International
Ֆրանսիայում ՀՀ դեսպանությունը մասնակցել է փարիզամերձ քաղաքում Հայոց ցեղասպանության 107-րդ տարելիցին նվիրված հիշատակի միջոցառմանը
Քաղաքականություն
11.04.2022 | 17:04
Ապրիլի 9-ին Ֆրանսիայում Հայաստանի դեսպանությունը մասնակցել է փարիզամերձ Կուրբըվուա (Courbevoie) քաղաքում Հայոց ցեղասպանության 107-րդ տարելիցին նվիրված հիշատակի միջոցառմանը, որը կազմակերպել է Կուրբըվուայի քաղաքային խորհուրդը` Ֆրանսիայի համար մարտնչած զինվորների ասոցիացիայի հետ համատեղ․ տեղեկացնում են Ֆրանսիայում ՀՀ դեսպանությունից։
«Կուրբըվուա քաղաքի Հիշատակի կոթողի առջև Հայոց ցեղասպանության զոհերի հիշատակը հարգեցին և ծաղկեպսակներ խոնարհեցին Կուրբըվուայի փոխքաղաքապետ Բենեդիկտ Ժորժը, Օ-դը-Սեն դեպարտամենտի սենատոր Էրվե Մարսեյը, պատգամավոր Քրիստին Էնիոնը, Օ-դը-Սեն դեպարտամենտի փոխնախագահ Մարի-Պիեռ Լիմոժը, Ֆրանսիայում Հայաստանի դեսպանության երկրորդ քարտուղար Սուսաննա Ադամյանը, Փարիզի 8-րդ թաղամասի քաղաքապետ Ժանն դը Օթսերը, Իլ-դը-Ֆրանսի շրջանային խորհրդի անդամները, Կուրբըվուայի քաղաքային խորհրդի անդամները:
Զինվորական կարգով կազմակերպված Հայոց ցեղասպանության 107-րդ տարելիցի ոգեկոչման միջոցառմանը ներկա էին նաև ֆրանսահայ համայնքի ներկայացուցիչները, տեղի բնակիչները»,- ասված է հաղորդագրությունում։
