Հասարակություն
11.04.2022 | 11:58Ֆինանսավարկային և բյուջետային հարցերի մշտական հանձնաժողովի նիստում քննարկվում է «Շահումով խաղերի, ինտերնետ շահումով խաղերի և խաղատների մասին» օրենքում փոփոխություն կատարելու մասին, «Վիճակախաղերի մասին» օրենքում փոփոխություն կատարելու մասին ՀՀ քաղաքացիական օրենսգրքում փոփոխություն կատարելու մասին օրենքի նախագիծը։
Բուքմեյքերական հաշիվներն այսօր հնարավոր է լիցքավորել 3 եղանակով, կանխիկ, բանկային քարտից և էլեկտրոնային դրամապանակից։
Նախագծով առաջարկվում է օրենքն ընդունելուց 10 օր հետո հանել բուքմեյքերական հաշիվը կանխիկ ձևով լիցքավորելու տարբերակը։ Այնուհետև 6 ամիս հետո հնարավոր չի լինելու նաև էլեկտրոնային դրամապանակներից լիցքավորել բուքմեյքերական հաշիվները։ Այսինքն՝ օրենքն ընդունելուց 6 ամիս 10 օր հետո քաղաքացիներն իրենց բուքմեյքերական հաշիվները կարող են լիցքավորել միայն անկանխիկ եղանակով:
«Հայաստան» խմբակցության պատգամավոր Արծվիկ Մինասյանի դիտարկմամբ՝ նախագիծը վերաբերում է ամենացավոտ հարցերից մեկին՝ այն է՝ անաշխատ եկամուտներ վաստակելու հնարավորությունները որոշակիորեն կանոնակարգելուն: Պատգամավորը ներկայացրեց վիճակագրական տվյալներ՝ ընդգծեով, որ շահումով խաղեր խաղացողների թիվը 2018-2020 թթ. ընթացքում 18.093-ից դարձել է 44.082, ինչը, ըստ նրա, բավականին մտահոգիչ և սարսափելի ցուցանիշ է:
Մինասյանը հետաքրքվեց՝ վերլուծություն կատարվե՞լ է, թե մասնակիցների կազմն ինչպիսին է, արդյոք խաղացողների գերակշիռ մասը ՀՀ քաղաքացիներ են, թե օտարերկրացներ, և ի՞նչն այս թվի աճի շարժառիթը:
Մանրամասները՝ տեսանյութում:
