Քաղաքացու համար շահումով խաղեր խաղալը դառնալու է պրոբլեմ. Պապոյանը՝ նոր նախագծի մասին․ ՏԵՍԱՆՅՈՒԹ

Ֆինանսավարկային և բյուջետային հարցերի մշտական հանձնաժողովի նիստում քննարկվում է «Շահումով խաղերի, ինտերնետ շահումով խաղերի և խաղատների մասին» օրենքում փոփոխություն կատարելու մասին, «Վիճակախաղերի մասին» օրենքում փոփոխություն կատարելու մասին ՀՀ քաղաքացիական օրենսգրքում փոփոխություն կատարելու մասին օրենքի նախագիծը։

Բուքմեյքերական հաշիվներն այսօր  հնարավոր է լիցքավորել 3 եղանակով, կանխիկ, բանկային քարտից և էլեկտրոնային դրամապանակից։ Նախագծով առաջարկվում է օրենքն ընդունելուց 10 օր հետո հանել բուքմեյքերական հաշիվը կանխիկ ձևով լիցքավորելու տարբերակը։ Այնուհետև 6 ամիս հետո հնարավոր չի լինելու նաև էլեկտրոնային դրամապանակներից լիցքավորել բուքմեյքերական հաշիվները։ Այսինքն՝ օրենքն ընդունելուց 6 ամիս 10 օր հետո քաղաքացիներն իրենց բուքմեյքերական հաշիվները կարող են լիցքավորել միայն անկանխիկ եղանակով:

«Հայաստան» խմբակցության պատգամավոր Արթուր Խաչատրյանը, դիմելով հիմնական զեկուցող Գևորգ Պապոյանին, հետաքրքրվեց, թե արդյոք հաշվարկներ կան՝ այս նախագծի կիրառման դեպքում որքա՞ն են կազմելու բանկերի եկամուտները:

Պապոյանի դիտարկմամբ՝ նոր քարտեր, նոր բանկային հաշիվեր են բացվելու, և բնականաբար դրանց սպասարկման համար գումարներ վճարվելու են: «Այս պահին հնարավոր չէ գնահատել դրա ճշգրիտ արժեքը, բայց կարծում եմ, որ դա այն գինն է, որն արժե վճարել, որպեսզի այդ սահամափակումները տեղի ունենան և քաղաքացու խաղալու համար դժվարություն առաջանա, և մենք ստանանք թափանցիկություն»,- նշեց պատգամավորը՝  հավելելով, որ դրանից ստացած օգուտներն ավելի շատ կլինեն:

Մանրամասները՝ տեսանյութւմ: