28.03.2026 | 16:00
Երկրաշարժ Մարտունի քաղաքից 15 կմ հարավ-արևելք․ այն զգացվել է Մադինա գյուղում՝ 2-3 բալ ուժգնությամբ
Թուրքիան լրագրող Ջամալ Խաշոգջիի սպանության գործը փոխանցել է Սաուդյան Արաբիային․ լրատվամիջոցներ
Քաղաքականություն
07.04.2022 | 16:38
Թուրքիան դադարեցրել է լրագրող Ջամալ Խաշոգջիի սպանության գործի քննությունը և այն փոխանցել Սաուդյան Արաբիային։ Այս մասին գրում է ՌԻԱ Նովոստին՝ վկայակոչելով թուրքական լրատվամիջոցներին։
Նշենք, որ Խաշոգջին սպանվել էր 2018 թվականի հոկտեմբերին Ստամբուլում՝ Սաուդյան Արաբիայի հյուպատոսարանում։ Սկզբում Սաուդյան Արաբիայի իշխանությունները հերքում էին նրա անհետացումը դիվանագիտական առաքելությունում, սակայն որոշ ժամանակ անց, աուդիո և տեսաձայնագրությունների հայտնվելուց հետո, ստիպված էին ընդունել, որ լրագրողը սպանվել է «հյուպատոսական պաշտոնյաների հետ վիճաբանության հետևանքով»։ Թուրքական ոստիկանությունն այդպես էլ չի կարղացել գտնել նրա դին։
«Թուրքիայի Արդարադատության նախարարության դրական եզրակացությունից հետո որոշում է կայացվել գործը փոխանցել Սաուդյան Արաբիային»,- գրում են լրատվամիջոցները։
Էմմա Չոբանյան
