22.04.2026 | 17:33
Գրոսմայստեր Արամ Հակոբյանը երրորդ տեղն է գրավել միջազգային մրցաշարում
Մարդիկ կան հողատարածքներ ունեն, բայց արտերկրում են, ինչպե՞ս հետ վերցնենք․ շիրակցի ֆերմերներ․ ՏԵՍԱՆՅՈւԹ
Հասարակություն
06.04.2022 | 20:04
Այսօր ազատանցի ֆերմերներից մեկը՝ Սեյրան Ոսկանյանը, Շիրակի մարզպետարանի դահլիճում Տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովի արտագնա նիստի անցկացնողներից հետաքրքրվեց, թե ինչպես կարող են հետ վերցնել գյուղատնտեսական նշանակության այն հողատարածքները, որոնց սեփականատերերը վաղուց հայրենիքում չեն։
«Մարդ կա 30 տարի գտնվում է Ռուսաստանի Դաշնությունում, բայց ես պատրաստ եմ այդ հողի վրա ներդրում անել ու ստեղծել արժեք, ՀՀ բյուջեում էլ վճարումներ անել, այդ խնդիրը ինչպես լուծել»-հարցրեց Սեյրան Ոսկանյանը։
Մեղրաշենի վարչական ղեկավար Հունան Պետրոսյանը ևս հետաքրքրվեց, թե հանձնաժողովն ունի՞ մի գաղափար, համաձայն որի փոքր հողակտորները կկարողանան խոշորացնել։
Վարչական ղեկավարի ասելով, փոքր հողակտորների վրա շատ դժվար է արդյունավետ գյուղատնտեսություն կազմակերպելը։
Տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության հարցերի մշտական հանձնաժողովի նախագահ Վահե Ղալումյանն պարզաբանեց, որ իրենց հանձնաժողովը էկոնոմիկայի նախարարության հետ միասին ուսումնասիրում է հարցը։
Քննարկվող տարբերակներից մեկը, ըստ նրա, չմշակված հողակտորների գույքահարկը թանկացնել է։ Ըստ նրա ՀՀ Սահմանադրությունը թույլ չի տալիս մարդուն զրկել իր սեփականության իրավունքից, բացի այդ, ոչ մի համայնքապետ իրեն բարոյական իրավունք չի վերապահել իր բնակչի հողը հետ վերցնելու։
Վահե Ղալումյանի մեկնաբանմամբ, պատաճառը եղել է այն, որ համայնքապետը ընտրությունից ընտրություն գյուղացուց ձայն է խնդրել ։
«Հիմա մենք ինչ ենք արել, մեր ներդրած համամասնական ընտրակարգը շատ կարևոր է, համայնքապետը ուղիղ ընտրությամբ չի ընտրվում և նման հարցերին շատ լուրջ ուշադրություն դարձնելու հավանականություն կա»,-ասաց Վահե Ղալումյանը։
Արմիկ Մովսիսյան
