06.10.2026 | 14:32
Ստամբուլի դպրոցներից մեկում դանակով հարձակման դեպք է տեղի ունեցել․ 8 աշակերտ վիրավորվել է․ ՏԵՍԱՆՅՈՒԹ
Ցմա՞հ, թե՞ մինչև 20 տարի ազատազրկում․ դատարանը հրապարակում է կուրսանտի գործով դատավճիռը. ՈՒՂԻՂ
Հասարակություն
05.04.2022 | 13:00
Վազգեն Սարգսյանի անվան ռազմական ինստիտուտում առանձնակի դաժանությամբ սպանված կուրսանտ 19-ամյա Հայկազ Բարսեղյանի մահվան դեպքից 7 տարի անց Երևան քաղաքի ընդհանուր իրավասության դատարանը՝ դատավոր Դավիթ Հարությունյանի նախագահությամբ, հրապարակում է գործով անցնող չորս ամբաստանյալների՝ Գնել Թևոսյանի, Վաչե Սահակյանի, Նորիկ Սահակյանի և Մովսես Ազարյանի դատավճիռները։
Հիշեցնենք՝ ողբերգական դեպքը տեղի էր ունեցել 2015 թ․ հունվարի 28-ի լույս 29-ի գիշերը՝ Վազգեն Սարգսյանի անվան ռազմական ինստիտուտում։ Այդ օրն առավոտյան կուրսանտ Հայկազ Բարսեղյանի մարմինը հայտնաբերվել էր ֆիզհրապարակի պտտաձողից կախված վիճակում: Ըստ մեղադրանքի` ամբաստանյալները Հայկազին սպանել են, ապա ինքնասպանության տպավորություն ստեղծելու համար նրան տարել ու կախել են պտտաձողից:
Մեղադրական ճառի ընթացքում դատախազ Հարությունյանն ամբաստանյալներ Գնել Թևոսյանի և Վաչե Սահակյանի համար պահանջել էր 20, իսկ Մովսես Ազարյանի և Նորայր Սահակյանի համար՝ 18 տարի ազատազրկում։ Տուժող կողմի իրավահաջորդ, Հայկազ Բարսեղյանի հայրը՝ Արկադի Բարսեղյանը, սակայն, մեղադրական կողմի պատժաչափը մեղմ էր համարել․ նա դատարանից պահանջել էր ցմահ ազատազրկման ենթարկել ամբաստանյալներին։
