ՀՀ ԱԳ նախարարը և Լուիջի Դի Մայոն անդրադարձել են Հայաստանի և Թուրքիայի միջև երկխոսության գործընթացին

Լուրեր

22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
Բոլորը

Ապրիլի 3-ին ՀՀ ԱԳ նախարար Արարատ Միրզոյանը հանդիպում է ունեցել աշխատանքային այցով Երևանում գտնվող Իտալիայի արտաքին գործերի և միջազգային համագործակցության նախարար Լուիջի Դի Մայոյի հետ:

Ինչպես տեղեկացրին ՀՀ ԱԳՆ-ից, ընդգծելով, որ այս տարի լրանում է Հայաստանի ու Իտալիայի միջև դիվանագիտական հարաբերությունների հաստատման 30-ամյակը` Արարատ Միրզոյանը և Լուիջի Դի Մայոն գոհունակություն են հայտնել երկու երկրների միջև ընդհանուր արժեքների և պատմական առնչությունների վրա հիմնված երկխոսության զարգացման դինամիկայի կապակցությամբ: Նախարարները պատրաստակամություն են հայտնել քայլեր ձեռնարկել՝ խթանելու և հարստացնելու ոլորտային փոխգործակցության օրակարգը, այդ թվում՝ երկու գերատեսչությունների միջև քաղաքական խորհրդակցությունների անցկացման միջոցով:

Մտքեր են փոխանակվել բազմակողմ հարթակներում փոխադարձ շահերի վրա հիմնված համագործակցության, Հայաստան-Եվրամիություն գործընկերության զարգացման վերաբերյալ:

Զրուցակիցներն անդրադարձ են կատարել նաև Հայաստանի և Թուրքիայի միջև երկխոսության գործընթացին:

Մանրամասն քննարկվել են տնտեսական համագործակցության ամրապնդման հնարավորությունները, հատկապես՝ էներգետիկայի ու ենթակառուցվածքների ոլորտներում, ներդրումների ակտիվացման և այդ առումով իրավապայմանագրային դաշտի ընդլայնման, առևտրաշրջանառության ծավալների մեծացման հեռանկարները: Արձանագրվել է, որ գործարար կապերի աշխուժացման համար առկա է մեծ ներուժ և բարենպաստ պայմաններ: Կարևորվել է նաև կրթության ու մշակույթի ոլորտում կապերի խորացումը, ընդգծվել երկու երկրների համալսարանների միջև համագործակցությունը:

Հանդիպմանն անդրադարձ է կատարվել տարածաշրջանային և միջազգային անվտանգության մի շարք խնդիրների: ՀՀ ԱԳ նախարարը ներկայացրել է Ադրբեջանի զինված ուժերի կողմից Լեռնային Ղարաբաղի Փառուխ գյուղ և հարակից տարածքներ ներխուժման հետևանքով ստեղծված իրավիճակը: Արարատ Միրզոյանը զրուցակցի ուշադրությունն է հրավիրել Ադրբեջանի կողմից Արցախի ամբողջական էթնիկ զտմանը միտված քաղաքականության դրսևորումներին, մասնավորապես՝ ադրբեջանական զինված ուժերի կողմից Լեռնային Ղարաբաղի բնակչությանը հոգեբանական ճնշումների ենթարկելու, քաղաքացիական ենթակառուցվածքները թիրախավորելու գործողություններին և ուժի կիրառման սպառնալիքներին:

Կարևորվել է 44-օրյա պատերազմի հումանիտար հետևանքների լիարժեք կարգավորման, մասնավորապես՝ հայ ռազմագերիների և քաղաքացիական պատանդների հայրենադարձման, Լեռնային Ղարաբաղում առաջ եկած հումանիտար խնդիրների լուծման և ԼՂ հակամարտության գոտում հայկական մշակութային ժառանգության պահպանության և պաշտպանության անհրաժեշտությունը:

Ընդգծվել է Լեռնային Ղարաբաղի հակամարտության խաղաղ կարգավորման անհրաժեշտությունը ԵԱՀԿ Մինսկի խմբի համանախագահության մանդատի ներքո։ Այս համատեքստում ՀՀ ԱԳ նախարարը ներկայացրել է հայկական կողմի դիրքորոշումը խաղաղության պայմանագրի շուրջ Հայաստանի և Ադրբեջանի միջև բանակցություններ սկսելու վերաբերյալ: Իտալիայի ԱԳ նախարարը նշել է, որ իտալական կողմն աջակցում է տարածաշրջանում խաղաղության և կայունության հաստատմանը:

Երկկողմ հանդիպմանը հաջորդել են նախարարների մամուլի համար հայտարարությունները:

Նույն օրն առավոտյան Իտալիայի արտաքին գործերի և միջազգային համագործակցության նախարար Լուիջի Դի Մայոյի գլխավորած պատվիրակությունն այցելել է Հայոց ցեղասպանության հուշահամալիր և հարգանքի տուրք մատուցել Ցեղասպանության զոհերի հիշատակին։