16.09.2026 | 18:55
Հայտնի է՝ ով է Սիմոնյանի նշած քրեական հեղինակությունը, որը, ըստ նրա, Հայկ Սարգսյանի ընտանիքի ընկերն է
Իսպանիայում ՀՀ դեսպանը մասնակցել է Սան Դամասո համալսարանում անցկացված՝ «Վայելելով Հայաստանը» խորագրով համաժողովին
Քաղաքականություն
02.04.2022 | 12:28
Իսպանիայում ՀՀ դեսպան Սոս Ավետիսյանը մասնակցել է Մադրիդի Սան Դամասո համալսարանում անցկացված համաժողովին, որը կրում էր «Վայելելով Հայաստանը» խորագիրը։ Միջոցառման սկզբում դեսպան Ավետիսյանը գրառում է կատարել համալսարանի պատվավոր հյուրերի գրքում. տեղեկացնում են Իսպանիայում ՀՀ դեսպանությունից:
Համաժողովի շրջանակներում Հայաստանի և հայ եկեղեցու պատմությանը, հայոց գրերին և գրականությանը նվիրված ելույթներով հանդես են եկել նույն համալսարանի դասախոսներ Կլարա Սանվիտոն, Մարեկ Ռաչկևիչը, ինչպես նաև Իսպանիայում և Պորտուգալիայում Հայ Առաքելական եկեղեցու հոգևոր հովիվ Շնորհք աբղ. Սարգսյանը:
Իսպանիայում Հայաստանի դեսպանությունն իր երախտագիտությունն է հայտնում Սան Դամասո համալսարանի Քրիստոնեական և դասական գրականության ֆակուլտետի դեկան Պիլար Գոնսալես Կասադոյին և համաժողովի պատասխանատուներ Անխել Լոպես Չալային և Կլարա Սանվիտոյին՝ նման միջոցառում կյանքի կոչելու համար։
Համաժողովն իր աշխատանքները կշարունակի ապրիլի 8-ին։
