20.11.2024 | 09:31
ՀՀ տարածքում ավտոճանապարհներն անցանելի են
Դրամաշնորհային մրցույթ՝ «Հայաստանի Հանրապետության տարվա երիտասարդկան մայրաքաղաք»
Հասարակություն
01.04.2022 | 19:41
ՀՀ ԿԳՄՍ նախարարությունը հայտարարել է «Հայաստանի Հանրապետության տարվա երիտասարդական մայրաքաղաք» դրամաշնորհի հատկացման մրցույթ:
Մրցույթն իրականացվում է 2014 թվականից ի վեր, և դրա մասնակիցներն են ՀՀ քաղաքային համայնքները կամ քաղաքային համայնքների մեջ մտնող առանձին քաղաքները։
Մրցույթին մասնակցության հայտերն անհրաժեշտ է ներկայացնել էլեկտրոնային տարբերակով` armeps (www.armeps.am) համակարգի միջոցով մինչև 2022 թվականի ապրիլի 6-ը՝ ժամը 15:00-ը:
Մրցույթը կազմակերպվում և անցկացվում է ՀՀ ԿԳՄՍ նախարարի հրամանով հաստատված «Հայաստանի Հանրապետության տարվա երիտասարդական մայրաքաղաք» մրցույթի իրականացման կանոնակարգով սահմանված պահանջներին համապատասխան։
«Հայաստանի Հանրապետության տարվա երիտասարդական մայրաքաղաք» մրցույթի նպատակն է նպաստել հանրապետության համայնքների համաչափ զարգացմանը, խրախուսել համայնքային իշխանություններին՝ տեղական մակարդակում մշակելու արդյունավետ երիտասարդական քաղաքականություն, աջակցել մարզային երիտասարդական կազմակերպությունների ու ենթակառույցների առաջխաղացմանը, զարգացնել երիտասարդական նախաձեռնողականությունը, երիտասարդական քաղաքականության ոլորտում համայնքների միջև բարեխիղճ և գործընկերային հարաբերություններն ինչպես տեղական և հանրապետական, այնպես էլ միջազգային մակարդակում:
