09.08.2026 | 00:05
Էդգար Սևիկյանը խաղացել է Մադրիդի «Ռեալի» դեմ. ՏԵՍԱՆՅՈՒԹ
Հանքարդյունաբերության օրինագծում «Լիդիան Արմենիա»-ի համար հատուկ պայմաններ կան․ Ինգա Զարաֆյան․ ՏԵՍԱՆՅՈՒԹ
Հասարակություն
01.04.2022 | 14:21
«Հանքարդյունաբերության օրինագծում «Լիդիան Արմենիա»-ի համար հատուկ պայմաններ կան»,- այս մասին «Ընդերքի մասին օրենքի փոփոխությունը հօգուտ հանքարդյունաբերական ընկերությունների՞» թեմայով քննակման ժամանակ նշեց «ԷկոԼուր» տեղեկատվական ՀԿ-ի նախագահ Ինգա Զարաֆյանը:
«Ոչ միայն «Ընդերքի մասին օրենքի փոփոխության» նախագծում կան հատուկ պայմաններ «Լիդիան Արմենիա»-ի համար, այլ նաև ուրիշ նախադեպեր կան: Կառավարությունն ընդունել է որոշում, որը վերաբերում էր «Բնության հատուկ պահպանվող տարածքների մասին» օրենքի կենսաբազմազանության պահպանման մասին հոդվածին . Ամուլսարի տարածքում գտնվում է Կարմիր գրքում գրանցված տեսակ , և օրենքի 26-րդ հոդվածի համաձայն՝ այդպիսի տարածքում արգելվում է հանքարդյունաբերական գործունեություն ծավալել, բայց կառավարությունն ընդունեց որոշում, որը շրջանցում է օրենքի այդ հոդվածը:
Կառավարության մեկ այլ որոշմամբ ևս հատուկ պայմաններ են ստեղծվում Ամուսլարի շահագործման ծրագրի համար. փոփոխվել են Սևանա լճի սահմանափակ օգտագործման տարածքները, և մյուս որոշմամբ՝ որոշվել է լանջերի թեքության հարցը, որպեսզի հարմար լինի կոնկրետ Ամուլսարի տարածքի համար:
Այսինքն՝ սա առաջին դեպքը չէ, որ կոնկրետ մեկ ընկերություն կարող է օգտվել օրենսդրական փոփոխությամբ տրվող առավելություններից»,- նշեց Զարաֆյանը:
Մանրամասները՝ տեսանյութում:
