18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
2022թ․ Ռուսաստանի տնտեսությունը 10 տոկոսով անկում կապրի․ ՎԶԵԲ
Քաղաքականություն
31.03.2022 | 22:52
Այս տարի Ռուսաստանի տնտեսությունը 10 տոկոսով անկում կապրի Ուկրաինայում ռազմական գործողությունների պատճառով, ասվում է Վերակառուցման և զարգացման եվրոպական բանկի (ՎԶԵԲ)՝ մարտի 31-ին հրապարակված կանխատեսման մեջ։ Ուկրաինայի համար կանխատեսվում է ՀՆԱ-ի նվազում 20 տոկոսով, գրում է DW-ի ռուսական ծառայությունը։
Ռուսաստանի ռազմական գործողությունն Ուկրաինայում, որը սկսվել է հինգ շաբաթ առաջ, առաջացրել է «մատակարարումների ամենամեծ ցնցումը վերջին 50 տարվա ընթացքում», ասվում է փաստաթղթում։
Պատերազմի մեկնարկից առաջ ՎԶԵԲ-ը 2022 թվականին Ռուսաստանում կանխատեսում էր տնտեսական աճ 3 տոկոսով, Ուկրաինայում՝ 3,5 տոկոսով։ Իր կանխատեսման մեջ ՎԶԵԲ-ը, միաժամանակ, նշում է, որ առաջիկա ամիսներին հակամարտող կողմերը, ամենայն հավանականությամբ, կհամաձայնվեն հրադադարի շուրջ, և որ դրանից անմիջապես հետո «լայնածավալ ջանքեր կսկսվեն Ուկրաինայի տնտեսությունը վերականգնելու համար»։
Այս սցենարով բանկն ակնկալում է, որ հաջորդ տարի Ուկրաինայի տնտեսությունը կաճի 23 տոկոսով, մինչդեռ Ռուսաստանի տնտեսության աճն արևմտյան պատժամիջոցների պատճառով, որոնք ակնկալվում է, որ չեն չեղարկվի, հավանաբար կմնա զրոյի մակարդակում:
Տաթև Ֆռանգյան
