28.03.2026 | 19:00
Եթե Գզոյանի նվիրած գիրքը «սադրիչ էր»,ինչո՞ւ է ԿԳՄՍ նախարարությունը հեղինակին պարգևատրել. Մանուկյան․ ՏԵՍԱՆՅՈւԹ
«Մենք չենք թուլացնի մեր վճռականությունը». Բայդենը, Ջոնսոնը, Մակրոնը, Շոլցը և Դրագին քննարկել են Ուկրաինային ուժեղացնելու անհրաժեշտությունը
Քաղաքականություն
30.03.2022 | 21:57
Մեծ Բրիտանիայի վարչապետ Բորիս Ջոնսոնը հեռախոսազրույց է ունեցել արևմտյան առաջնորդների հետ։ Այս մասին նա հայտնել է Twitter-ում։
«Այսօր ԱՄՆ նախագահ Ջո Բայդենի, Ֆրանսիայի նախագահ Էմանուել Մակրոնի, Գերմանիայի կանցլեր Օլաֆ Շոլցի և Իտալիայի վարչապետ Մարիո Դրագիի հետ քննարկվել է Ուկրաինային աջակցելու և հզորացնելու շարունակական անհրաժեշտությունը: Մենք չենք թուլացնի մեր վճռականությունը, քանի դեռ չի դադարեցվել ագրեսիան Ուկրաինայի դեմ»,- ասվում է հաղորդագրության մեջ։
Միաժամանակ, Մեծ Բրիտանիայի կառավարության մամուլի ծառայությունը հայտնում է, որ առաջնորդները համաձայնել են Ուկրաինայի ժողովրդին ռուսական բարբարոսության դեմ պայքարում աջակցելու մշտական անհրաժեշտության մասին։
«Վարչապետն ընդգծել է, որ մենք պետք է դատենք Պուտինի ռեժիմին իրենց գործողություններով, ոչ թե խոսքերով: Պուտինը դանակը պտտեցնում է Ուկրաինայի բաց վերքի մեջ՝ փորձելով ստիպել երկրին և նրա դաշնակիցներին կապիտուլյացիայի գնալ: Վարչապետն իր գործընկերների հետ զրույցում շեշտել է, որ մենք պետք է անողոք լինենք մեր պատասխանում»,- ասված է կառավարության հաղորդագրության մեջ։
Ղեկավարները քննարկել են նաև միջազգային էներգետիկ ճարտարապետությունը փոխելու և ռուսական ածխաջրածնից կախվածությունը նվազեցնելու համար համատեղ աշխատանքի անհրաժեշտությունը։
Տաթև Ֆռանգյան
