26.11.2024 | 22:26
Իմ կալանքը ծառայում է Ադրբեջանի բռնապետության և նրա հանցակից ռուսական կայսրության շահերին․ Ադրբեջանում բանտարկված դիվանագետ
ԱՄՆ-ը նոր պատժամիջոցներ է պատրաստում ՌԴ-ի դեմ, որոնք կազդեն պաշտպանական ձեռնարկությունների մատակարարման շղթայի վրա
Քաղաքականություն
29.03.2022 | 23:00
ԱՄՆ-ն նոր հակառուսական պատժամիջոցներ է նախապատրաստում, որոնք միտված են հարված հասցնել պաշտպանական ոլորտի մատակարարումների շղթային։ Այս մասին հայտարարել է ԱՄՆ ֆինանսների նախարարի տեղակալ Ուոլլի Ադեյեմոն, գրում է swissinfo-ն։
«Վաշինգտոնը նախատեսում է լրացուցիչ միջոցառումներ ոլորտների դեմ, որոնք որոշիչ նշանակություն ունեն ՌԴ-ի համար իր ռազմական մեքենան ղեկավարելու հարցում, որոնք վերջնարդյունքում կխաթարեն Ռուսաստանի հնարավորությունները՝ ստեղծել ու աջակցել պատերազմի գործիքներին, որոնք կախված են այդ ռեսուրսներից։ Ի լրումն ընկերությունների նկատմամբ պատժամիջոցների այն ոլորտներում, որոնք նպաստում են Ռուսաստանի «չարամիտ գործունեությանը», նախատեսում ենք նաև միջոցներ ձեռնարկել՝ խաթարելու նրանց մատակարարման կարևոր շղթաները»,- ասվում է ԱՄՆ Ֆինանսների նախարարության հայտարարության մեջ։
Այդ գործողությունները ԱՄՆ-ն նախատեսում է ձեռնարկել գործընկերների հետ համատեղ։
«Մենք կձեռնարկենք այդ գործողությունները՝ համաձայնեցնելով ավելի քան 30 գործընկերների և դաշնակիցների հետ, որոնք միացել են մեր կոալիցիային՝ ի պատասխան Ուկրաինա Ռուսաստանի ներխուժման»,- ասվում է հայտարարության մեջ։
Էմմա Չոբանյան
