14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ուկրաինական պատերազմի ֆոնին՝ ռուսներն ու ուկրաինացիներն անշարժ գույք են գնում թուրքական Անթալիայում
Քաղաքականություն
28.03.2022 | 23:35
Ռուսներն ու ուկրաինացիները կրկնապատկել են իրենց ծախսերը թուրքական Անթալիայում անշարժ գույքի ձեռքբերման համար, գրում են թուրքական լրատվամիջոցները։
Անթալիան հայտնի հանգստավայր է Ռուսաստանից և Ուկրաինայից այցելուների համար, որի հանդեպ հետաքրքրության աճ է գրանցվել ուկրաիանական պատերազմի մեկնարկից հետո։ Անշարժ գույքի Emlakjet հարթակը գրանցել է տների վաճառքի՝ Ռուսաստանից որոնումների 51 տոկոս աճ։ Ուկրաինացիների կողմից հետաքրքրությունն ավելի մեծ է եղել՝ որոնումների 63 տոկոս աճով:
Արտասահմանում անշարժ գույքի խթանման ասոցիացիայի (GİGDER) տնօրենների խորհրդի նախագահ Օմեր Ֆարուք Աքբալն ասել է, որ թե՛ Ռուսաստանից, թե՛ Ուկրաինայից գնորդները հիմա Թուրքիայում տներ են փնտրում պատերազմի անմիջական հետևանքով։
«Կոնֆլիկտային միջավայրի պատճառով նրանք տուն չեն փնտրում միայն արձակուրդի համար: Առաջին պլան է մղվում անվտանգությունը: Բացի այդ, Ռուսաստանի դեմ պատժամիջոցները նույնպես նպաստել են այս ընտրության համար»,- ասել է Աքբալը:
Ռուսներն օտարերկրյա գնորդների շարքում ավանդաբար ամենաբարձր հետաքրքրությունն են ցուցաբերում թուրքական անշարժ գույքի նկատմամբ։ Փետրվարին և մարտին Անթալիայում անշարժ գույքի գնումները կտրուկ աճել են, 96 տոկոսով ավելացել են Ռուսաստանից գնորդների թիվը և 85 տոկոսով՝ Ուկրաինայից՝ նախորդ տարվա նույն ժամանակահատվածի համեմատ։ Այս տվյալները ներկայացրել է Անթալիայի Առևտրաարդյունաբերական պալատի նախագահ Դավութ Չեթինը։
Թուրքիան այժմ ապաստան է դարձել շատ ռուսների համար, որոնք ցանկանում են լքել Ռուսաստանը պատերազմի ու արևմտյան պատժամիջոցների պատճառով։
Թուրքիայի Ներքին գործերի նախարարության տվյալներով էլ՝ պատերազմի մեկնարկից ի վեր մինչև 20 հազար ուկրաինացի փախստական է ժամանել երկիր։
Էմմա Չոբանյան
