18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
ԱՄՆ-ի և ՆԱՏՕ-ի պաշտոնյաներն ասում են՝ Բելառուսը շուտով կարող է միանալ Ուկրաինայի դեմ պատերազմին․ CNN
Քաղաքականություն
22.03.2022 | 21:39
ԱՄՆ-ը և ՆԱՏՕ-ն կարծում են, որ Բելառուսը «շուտով կարող է միանալ Ռուսաստանին Ուկրաինայի դեմ պատերազմում»։ Այս մասին CNN-ին հայտնել են ԱՄՆ-ի և ՆԱՏՕ-ի պաշտոնյաները՝ նշելով, որ երկիրն արդեն քայլեր է ձեռնարկում այդ ուղղությամբ։
Ըստ ՆԱՏՕ-ի զինվորական պաշտոնյայի՝ ավելի հավանական է, որ Բելառուսը կմտնի հակամարտության մեջ։
«Պուտինն աջակցության կարիք ունի։ Ամեն ինչ էլ օգնի»,- ասել է պաշտոնյան։
Բելառուսի ընդդիմության աղբյուրը հայտնել է, որ բելառուսական մարտական ստորաբաժանումները պատրաստ են մուտք գործել Ուկրաինա մոտակա մի քանի օրվա ընթացքում, պատրաստ են հազարավոր ուժեր տեղակայել։ Աղբյուրը նշել է, որ դա ավելի պակաս ազդեցություն կունենա ռազմական առումով, քան աշխարհաքաղաքական՝ հաշվի առնելով պատերազմին այլ երկրի միանալու հետևանքները:
ՆԱՏՕ-ի հետախուզության բարձրաստիճան պաշտոնյան էլ ասել է, որ Բելառուսի կառավարությունը միջավայր է նախապատրաստում՝ բելառուսական միջամտությունն Ուկրաինայի դեմ արդարացնելու համար։
Պենտագոնի բարձրաստիճան պաշտոնյան ասել է, որ Պենտագոնը մինչ օրս չի տեսել «որևէ ցուցում այն մասին, որ բելառուսները պատրաստվում են տեղափոխվել Ուկրաինա, կամ որ նրանք որևէ պայմանավորվածություն են ձեռք բերել՝ դա անելու համար»:
ՆԱՏՕ-ի զինվորական պաշտոնյան ասել է, որ Բելառուսի կողմից պատերազմին մասնակցելու վերջնական որոշումը դեռ պետք է կայացվի Մոսկվայում, և առայժմ որևէ ցուցում չկա, որ բելառուսական ուժերը մասնակցում են Ուկրաինայի մարտերին։
«Խոսքն այն մասին չէ, թե Ալեքսանդր Լուկաշենկոն ինչ է ուզում։ Հարցն այն է, թե Պուտինը ցանկանո՞ւմ է տարածաշրջանում ևս մեկ անկայուն երկիր: Ներգրավումը կապակայունացնի Բելառուսը»,- ասել է պաշտոնյան։
Նա չի մանրամասնել, թե ինչպես կարող է Բելառուսը միջամտել պատերազմին, սակայն ասել է, որ իմաստ կունենա, որ Ռուսաստանը փորձի դադարեցնել ՆԱՏՕ-ի ռազմական օգնությունն Ուկրաինային իր արևմտյան սահմանից:
Էմմա Չոբանյան
