10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Կահիրեի աշխարհի գավաթ. մարմնամարզիկներ Արթուր Դավթյանն ու Վահագն Դավթյանը՝ ոսկե, Հարություն Մերդինյանը՝ արծաթե մեդալակիրներ
21.03.2022 | 17:12
Մարմնամարզիկներ Արթուր Դավթյանը և Վահագն Դավթյանը ոսկե մեդալներ են նվաճել Եգիպտոսի մայրաքաղաք Կահիրեում անցկացվող աշխարհի գավաթի խաղարկության երրորդ փուլում. տեղեկացնում են ԿԳՄՍՆ-ից։
Արթուրը հավասարը չի ունեցել հենացատկի վարժությունում՝ եզրափակչում հավաքելով 14.983 միավոր, իսկ Վահագնը՝ օղակներ վարժությունում:
Սպորտային մարմնամարզության Հայաստանի հավաքականի կազմում ևս մեկ մեդալ նվաճել է Հարություն Մերդինյանը: Նժույգթափեր վարժության եզրափակչում նա դարձել է արծաթե մեդալակիր:
Արթուր Դավթյանը կմասնակցի նաև ազատ վարժության և պտտաձողի վարժությունների եզրափակիչներին։
Հակոբ Սերոբյանի գլխավորած թիմի կազմում Եգիպտոսի մայրաքաղաք է մեկնել նաև Արթուր Ավետիսյանը։
Մինչ այս Գերմանիայի Կոտբուս և Քաթարի Դոհա քաղաքներում անցկացված աշխարհի գավաթի խաղարկություններում Արթուր Դավթյանը նվաճել է երկուական ոսկե, մեկ արծաթե, Արթուր Ավետիսյանը՝ մեկ արծաթե, Վահագն Դավթյանը՝ մեկ ոսկե, մեկ արծաթե, Հարություն Մերդինյանը՝ մեկ բրոնզե մեդալ:
