16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Կանադան փակում է օդային տարածքը ՌԴ-ի համար
Քաղաքականություն
27.02.2022 | 18:58
Կանադայի իշխանությունները որոշել են փակել երկրի օդային տարածքը ռուսական ավիացիայի համար։ Այս մասին կիրակի Twitter-ում հայտնել է Կանադայի տրանսպորտի նախարար Օմար Ալգաբրան։
«Այսուհետ Կանադայի օդային տարածքը փակ է բոլոր ռուսական օդանավ շահագործողների համար: Մենք Ռուսաստանին պատասխանատվության կենթարկենք Ուկրաինայի վրա չհրահրված հարձակումների համար»,- գրել է նա։
Ավելի վաղ ԱՌԴ հեռուստաընկերության Բեռլինի բյուրոյի լրագրողը, վկայակոչելով իրազեկ աղբյուրին, հայտնել էր, որ ԵՄ երկրները փակում են իրենց օդային տարածքը ռուսական ավիաընկերությունների համար։
Ավելի վաղ ռուսական ավիաընկերությունների համար իրենց օդային տարածքն արդեն փակել էին Սլովակիան, Լատվիան, Լիտվան, Ռումինիան, Չեխիան և Լեհաստանը։ «Ռոսավիացիան» ի պատասխան սկսել է փակել Ռուսաստանի օդային տարածքը այս երկրների ավիաընկերությունների համար։
Փետրվարի 24-ին ՌԴ նախագահ Վլադիմիր Պուտինը հայտարարեց Ուկրաինայում հատուկ ռազմական գործողության մասին՝ ի պատասխան Դոնբասի հանրապետությունների ղեկավարների օգնության դիմումի։
Դրանից հետո ԱՄՆ-ը, ԵՄ-ն, Մեծ Բրիտանիան, ինչպես նաև մի շարք այլ երկրներ հայտարարել են, որ պատժամիջոցներ են սահմանում ռուս ֆիզիկական և իրավաբանական անձանց դեմ։
