07.11.2024 | 12:40
Սպասելի չէր. Սրբուհի Գալյանը՝ արդարադատության նախարարի թեկնածու ընտրվելու մասին․ ՏԵՍԱՆՅՈՒԹ
АirBaltic-ն ու LOT-ը չեղարկել են դեպի Ռուսաստան չվերթները
Քաղաքականություն
26.02.2022 | 16:55
Լատվիական AirBaltic ավիաընկերությունը մինչև մարտի 26-ը չեղարկել է բոլոր թռիչքները դեպի Ռուսաստան՝ «ռիսկերի ավելացման պատճառով»։ BBC-ի ռուսական ծառայության փոխանցմամբ՝ այս մասին հայտնել են ավիաընկերությունից։
Այսօրվանից դեպի Մոսկվա և Սանկտ Պետերբուրգ չվերթները չեղարկելու մասին հայտարարել է նաև լեհական LOT ավիաընկերությունը։ Իսկ մինչ այս Մեծ Բրիտանիան արգելել էր ռուսական ավիաընկերությունների թռիչքները երկիր։
Միաժամանակ, Լատվիայի արդարադատության նախարար Յանիս Բորդանսը հայտարարել է, որ երկիրը փակում է իր օդային տարածքը ռուսական ավիաընկերությունների օդանավերի համար։
Ավելի վաղ նման որոշում էին կայացրել Լեհաստանը, Չեխիան, Բուլղարիան, Էստոնիան, Ռումինիան։
Իր հերթին, «Ռոսավիացիան» հայտարարել է Բուլղարիայի, Լեհաստանի և Չեխիայի ավիաընկերությունների թռիչքները Ռուսաստանի օդային տարածքով։ Գերատեսչությունն այս որոշումն անվանել է պատասխան ռուսական ավիաընկերությունների նկատմամբ այդ երկրների սահմանած արգելքին։
Լատվիայի և Էստոնիայի արգելքին պատասխան միջոցների մասին ռուսական կողմն առայժմ չի հայտարարել։
