26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Կիևում պարետային ժամը կգործի 17։00-ից մինչև 8։00-ն
Քաղաքականություն
26.02.2022 | 16:39
Այսօրվանից Կիևում պարետային ժամը կգործի 17։00-ից մինչև 8։00-ն։ «Ինտերֆաքս»-ի ուկրաինական ծառայության փոխանցմամբ՝ այս մասին հայտնել է Կիևի քաղաքապետ Վիտալի Կլիչկոն։
«Մայրաքաղաքի առավել արդյունավետ պաշտպանության և նրա բնակիչների անվտանգության համար այսօրվանից՝ 2022 թվականի փետրվարի 26-ից, պարետային ժամը կգործի 17:00-ից մինչև 08:00-ն։ Սա կգործի մինչև փետրվարի 28-ի առավոտ»,- սոցցանցերում գրել է Կլիչկոն։
Նրա խոսքով՝ բոլոր քաղաքացիական անձինք, որոնք պարետային ժամի ընթացքում փողոցում կլինեն, կհամարվեն թշնամու դիվերսիոն-հետախուզական խմբերի անդամներ։
«Խնդրում եմ ըմբռնումով մոտենալ իրավիճակին և փողոց դուրս չգալ»,- ասել է Կիևի քաղաքապետը։
Ավելի վաղ հաղորդվել էր, որ փետրվարի 24-ից մայրաքաղաքում գործում է պարետային ժամ՝ 22։00-ից մինչև 7։00-ն։
