29.03.2026 | 22:16
Հրդեհ ավտոմեքենայում․ տուժածներ չկան
Դոնեցկի և Լուգանսկի ղեկավարները Պուտինին խնդրել են ճանաչել ինքնահռչակ հանրապետությունների անկախությունը
Քաղաքականություն
21.02.2022 | 18:24
Ինքնահռչակ Դոնեցկի և Լուգանսկի ժողովրդական հանրապետությունների ղեկավարներ Դենիս Պուշիլինը և Լեոնիդ Պասեչնիկը դիմել են ՌԴ նախագահ Վլադիմիր Պուտինին՝ խնդրելով ճանաչել ԴԺՀ-ի և ԼԺՀ-ի անկախությունը։ Նրանց հայտարարությունները հեռարձակել է «Ռոսիա 24» հեռուստաալիքը, փոխանցում է ՌԻԱ Նովոստին։
«Դոնեցկի ժողովրդական հանրապետության ժողովրդի անունից խնդրում ենք ճանաչել ԴԺՀ-ն՝ որպես անկախ, ժողովրդավարական, իրավական, սոցիալական պետություն»,- ասել է Պուշիլինը։
Բացի այդ, հանրապետությունների ղեկավարները Ռուսաստանի նախագահին խնդրել են դիտարկել համագործակցության համաձայնագրի կնքման և պաշտպանական ոլորտում փոխգործակցության հնարավորությունը։
ԴԺՀ-ի ղեկավարը նշել է նաև, որ Ուկրաինայի իշխանությունները որոշել են հակամարտությունը լուժել ուժային մեթոդով։ Նա ընդգծել է, որ Դոնբասը բարձր է գնահատում Մոսկվայի ջանքերը մինսկյան համաձայնագրերի շուրջ բանակցային գործընթացում, սակայն պայմանավորվածությունները չեն խանգարում Կիևին խախտել հաստատված զինադադարը։
Տաթև Ֆռանգյան
