Ճանապարհատրանսպորտային պատահարներ Հայաստանում

Փետրվարի 17-ին, ժամը 15.00-ին, «Տոյոտա» մակնիշի ավտոմեքենայի վարորդը Երևանի Շինարարների և Ջանիբեկյան փողոցների խաչմերուկում վրաերթի է ենթարկել 27-ամյա քաղաքացու, որը մարմնական վնասվածքներով տեղափոխվել է հիվանդանոց. տեղեկացնում են ՀՀ ոստիկանությունից:

Կատարվում է քննություն։

***
Փետրվարի 17-ին, ժամը 18.45-ին, Երևանի Գևորգ Չաուշի փողոցում իրար են բախվել «ՎԱԶ-2107» և «Տոյոտա» մակնիշի ավտոմեքենաներ։ Վթարի հետևանքով «Տոյոտայի» 27 և 4 տարեկան ուղևորները մարմնական վնասվածքներով տեղափոխվել են հիվանդանոց։
Կատարվում է քննություն։

***
Փետրվարի 18-ին, ժամը 02.40-ի սահմաններում, «Մերսեդես ԳԼ 450» մակնիշի ավտոմեքենան Արևշատ-Լանջազատ ճանապարհին դուրս է եկել երթևեկելի գոտուց և կողաշրջվել. վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***
Փետրվարի 18-ին, ժամը 17.40-ի սահմաններում, «ԲՄՎ» մակնիշի ավտոմեքենան Երևան-Երասխ ճանապարհի 11-րդ կմ-ին դուրս է եկել երթևեկելի գոտուց և հայտնվել դաշտում։ Վարորդը մարմնական վնասվածքով դիմել է բժշկական կենտրոն:
Կատարվում է քննություն։

***
Փետրվարի 11-ին, ժամը 01.35-ին, հիվանդանոցից ոստիկանության Տարոնի բաժին հաղորդում էր ստացվել, որ ողերի կոտրվածքներով բուժօգնության է դիմել 27-ամյա երիտասարդ։ Հիվանդանոց մեկնած ոստիկաններին նա հայտնել է, որ վնասվածքները ստացել է փետրվարի 10-ին, ժամը 23.30-ի սահմաններում, իրենց տան բակում ընկնելու հետևանքով:
Փետրվարի 18-ին, ժամը 14.00-ին, ոստիկանության Գուգարքի բաժնից ստացվել են նյութեր, որ տղամարդը վնասվածքը ստացել է Վանաձորից Դարպաս համայք տանող ճանապարհին իր «Օպել Վեկտրա» մակնիշի ավտոմեքենայի կառավարումը կորցնելու և ձորն ընկնելու հետևանքով:
Կատարվում է քննություն։

***
Փետրվարի 19-ին, ժամը 03.00-ի սահմաններում, «Օպել Զաֆիրա» մակնիշի ավտոմեքենան Վանաձորի Անդրանիկի փողոցում դուրս է եկել երթևեկելի գոտուց և բախվել պատին։ Վարորդը մարմնական վնասվածքով շտապօգնության մեքենայով տեղափոխվել է հիվանդանոց:
Կատարվում է քննություն։

***
Փետրվարի 18-ին, ժամը 15.00-ի սահմաններում, «ՎԱԶ-2107» մակնիշի ավտոմեքենայի վարորդը Կապանի Շահումյան փողոցում վրաերթի է ենթարկել 9-ամյա տղայի, իր մեքենայով տեղափոխել հիվանդանոց, ապա ներկայացել ոստիկանության Կապանի բաժին:
Կատարվում է քննություն։