16.12.2025 | 20:30
ՀԿԿ-ն պնդում է՝ փաստաբանը 2 միլիոն դրամ կաշառք է վերցրել, որ տա դատավորին,բայց դատավորը մեղադրյալ չէ. ՏԵՍԱՆՅՈՒԹ
«Արմնյուզ» հեռուստաալիքը զրկվեց լիցենզիայից, իսկ «ԱրմնյուզFM»-ը վերադարձել է եթեր
18.02.2022 | 13:53
Հեռուստատեսության և ռադիոյի հանձնաժողովը այսօր հրավիրված նիստի ժամանակ որոշում է կայացրել, որի համաձայն «Արմնյուզ» հեռուստաընկերության հեռարձակման լիցենզիան հետ է կանչվել։ «Արմնյուզ FM»-ը, որը նույնպես վերջին օրերին չէր հեռարձակվում, գրությամբ դիմել է ՀՌՀ, որ վերադառնում է եթեր․ այս մասին Factor TV-ին ասաց ՀՌՀ նախագահ Տիգրան Հակոբյանը։
Մինչ այդ, 5 օրով կասեցվել էր թե՛ հեռուստաընկերության, և թե՛ ռադիոյի լիցենզիայի գործողությունը։ Օրենքը թույլ է տալիս մինչև 30 օր ժամկետով կասեցնել այն, եթե հեռարձակողը 24 ժամից ավելի անընդմեջ չի ապահովել եթերը հանրային մուլտիպլեքսում կամ հատկացված FM տիրույթում։
Հիշեցնենք, որ «Քառյակ մեդիա»-ն, որի կազմում ընդգրկված են «Արմնյուզ» հեռուստաալիքը, Tert.am-ը, «ԱրմնյուզFM»-ը, օրեր առաջ հայտարարություն էր տարածել, որ դադարեցնում է գործունեությունը։
Առաջիկա 1 ամսվա ընթացքում, սահմանված կարգով, ՀՌՀ կհայտարարի նոր մրցույթ թափուր հաճախականության համար։ Մրցույթին կարող են մասնակցել ՀՌՀ կողմից հեղինակազորված կազմակերպությունները։
Սաթենիկ Հայրապետյան
