07.11.2024 | 11:36
Գերմանիայում հայտարարել են իշխող կոալիցիայի փլուզման մասին
Աթենքում ԱՄՆ դեսպանը Վաշինգտոնի համերաշխությունն է հայտնել Հունաստանին՝ ի հեճուկս Թուրքիայի նկրտումների
Քաղաքականություն
15.02.2022 | 22:59
Աթենքում ԱՄՆ դեսպան Ջեֆրի Փյաթը Միացյալ Նահանգների համերաշխությունն է հայտնել Հունաստանին՝ընդդեմ թուրքական պնդումների, որոնք վիճարկում են երկրի ինքնիշխանությունը Էգեյան ծովի արևելյան կղզիների նկատմամբ։ Այս մասին գրում է «Ահվալ» գործակալությունը։
«Մենք քննարկեցինք տարածաշրջանային կայունության մեր ընդհանուր նպատակները, որոնք կիսում ենք։ Ես հաստատեցի այն, ինչ Վաշինգտոնը հստակեցրել է․ Հունաստանի ինքնիշխանությունն իր կղզիների նկատմամբ հարցականի տակ չէ»,- Հունաստանի ԱԳ նախարար Նիկոս Դենդիասի հետ հանդիպումից հետո թվիթերյան իր էջում գրել է ԱՄՆ դեսպանը։
Օրերս Վաշինգտոնը ևս մեկ անգամ վճռական կերպով մերժել էր Անկարայի անհիմն պնդումները։
«Բոլոր երկրների ինքնիշխանությունն ու տարածքային ամբողջականությունը պետք է հարգվեն և պաշտպանվեն։ Այս կղզիների նկատմամբ Հունաստանի ինքնիշխանությունը հարցականի տակ չէ»,- ասել էր ԱՄՆ Պետքարտուղարության խոսնակը Թուրքիայի ԱԳՆ Մևլութ Չավուշօղլուի հայտարարությունից հետո, երբ նա վկայակոչել էր 1923 թվականի Լոզանի և 1947-ի Փարիզի պայմանագրերը՝ նշելով, որ այդ կղզիների ինքնիշխանությունը պայմանավորված է Հունաստանի կողմից դրանք չռազմականացնելով։
Հունաստանը միշտ հերքում է այս պնդումները՝ պատասխանելով, որ քանի դեռ կա թուրքական ռազմական վտանգ այս կղզիների նկատմամբ, դրանք չեն ապառազմականացվի։
Էմմա Չոբանյան
