Պահեստազորայինների նոր հավաք՝ տրանսպորտային միջոցների ներգրավմամբ․ ՊՆ-ն նոր նախագիծ է շրջանառում. ՏԵՍԱՆՅՈՒԹ

Երկու օրվա տարբերությամբ՝ Պաշտպանության նախարարությունը պահեստազորայինների վարժական հավաքներ անցկացնելու մասին երկրորդ նախագիծն է դրել շրջանառության մեջ։ Գերատեսչությունն առաջարկում է ապրիլի 1-ից հունիսի 30-ն անցկացնել պահեստազորի առաջին խմբի առաջին և երկրորդ կարգերում հաշվառված շարքային, ենթասպա­յական և սպայական կազմերի պահեստազորայինների վարժական հավաքներ, իսկ ռազմատրանսպորտային պարտա­կա­նություններ ունեցող մարմիններից ներգրավել 136 միավոր տրանսպորտային միջոցներ։

Նախագծով նախատեսվում է վարժական հավաքներին ներգրավել մինչև 1400 քաղաքացու, որոնցից 1205-ը՝ շարքային և կրտսեր ենթասպայական կազմերի, 65-ը` ավագ ենթասպայական կազմի, 130-ը՝ սպայական կազմի պահեստազորայիններ՝ համազորային մոտոհրաձգային, կապի, հետախուզական, ինժեներական, հրթիռահրետանային մասնագիտություններով:

Ըստ Պաշտպանության նախարարության՝ վարժական հավաքները հայտարարվում են պահեստազորայինների ռազմական ունակությունների կատա­րելա­­­գոր­ծման, մասնագիտական վերապատրաստ­ման և պատրաստման, բարձրագույն կրթություն ունեցող ենթասպա­յա­կան կազմից պահեստա­զորի սպաների պատ­րաս­տման, կնքված պայմանագրի համաձայն՝ մար­տա­­կան հերթա­պա­հության ներգրավման նպատակով:

Որոշման նախագծի ընդունման կապակցությամբ ՀՀ պետական բյուջեում լրացուցիչ ծախսեր չեն առաջանում: Հայտարարվող վարժական հավաքների ծախսերն իրականացվելու են ՀՀ 2022 թվականի պետական բյուջեով Պաշտպանության նախարարությանն այդ նպատակով հատկացված միջոցների հաշվին:

Մանրամասները՝ տեսանյութում։

Ռոզա Վարդանյան